ٹھٹھہ : ویگن کی چھت سے گر کر مسافر جاں بحق

ٹھٹھہ،باغی ٹی وی( نامہ نگار راجہ قریشی )کراچی سے سجاول جانے والے ویگن کی چھت پر بیٹھا مسافر گر کر شدید زخمی ،تشویشناک حالت ،کراچی ریفرکیا گیا جہاں وہ زخموں کی تاب نہ لاتے ہوئے جاں بحق ہوگیا ہے
تفصیل کے مطابق کراچی سے سجاول جانے والے ویگن کی چھت سے مسافر علی نواز ولد عبداللہ نیچے گر گیا جسےانتہائی سیریس حالت میں سول ہسپتال مکلی لایا گیا،خطرے کے پیش نظر اسے فرسٹ ایڈ دے کر کراچی ریفر کردیا گیاجہاں وہ زخموں کی تاب نہ لاتے ہوئے جاں بحق ہوگیا ہے ،دوسری طرف ذرائع کا کہناہے کہ سیکرٹری آرٹی اے ماہانہ منتھلی کی بنیاد پر پرمسافرگاڑیوں کے مالک سے ہزاروں روپے وصول کرتا ہے جس پر ڈرائیوروں کو اور لوڈنگ اور چھت پر سواریاں بٹھانے کی کھلی چھٹی دے رکھی ہے کہ مسافر چھت پے بٹھا کے لے جاؤ،کوئی گرکرمرتا ہے تومرجائے اسے کیا ،کسی کاگھر اجڑتا ہے یا بچے یتیم ہوتے ہیں تو ہوتے رہیں سیکرٹری آرٹی اے کو صرف پیسوں سے غرض ہے، اس حساس معاملہ پر سجاول اور ٹھٹھہ کی ضلعی انتظامیہ نے اپنے منہ میں گھنگھنیاں ڈالی ہوئی ہیں دوسری جانب سجاول اور کراچی سے گرنے والا مسافر علی نواز ولد عبداللہ سومرو کراچی کی ہسپتال میں فوت ہوگیا اس کے گھر والوں کا کہنا ہے کہ پولیس ،سیکرٹری آرٹی اے اور ڈرائیور اپنے پیسے بنانے کے لۓ دوسروں کی جانوں سے کھیل رہے ہیں ہیں ان کے خلاف کارروائی کی جاۓ اور ہمیں انصاف دیا جاۓ.-