ٹھٹھہ ،باغی ٹی وی (ویب نیوز)سول ہسپتال مکلی میں کروڑں کی 75 ایمبولینس کھلے آسمان تلے ناکارہ ہونے لگیں
تفصیل کے مطابق ٹھٹھہ کی سول ہسپتال مکلی میں سندھ انٹی گریٹڈ ایمرجنسی اینڈ ہیلتھ سروسز کی کروڑں روپے کی 75 ایمبولینس کھلے آسمان تلے ناکارہ ہونے لگیں ہیں ،
ان ایمبولینسز میں ریسکیو 1122 کی 52 اور 23 سندھ پیپلز ایمبولینسز ہیں۔ ضلع شہید بینظیر آباد کو 10، میرپور خاص کو 17، گھوٹگی کو 10، کشمور کندھ کوٹ کو 10، شکار پور کو 5 ایمبولینس فراہم کرنا تھیں لیکن یہ تمام ایمبولینسیں ان اضلاع کو فراہم کیے جانے کے بجائے سول اسپتال مکلی کے گراؤنڈ میں کھلے آسمان تلے ناکارہ ہونے کیلئے کھڑی کردی گئیں ہیں۔
زونل منیجرسندھ انٹی گریٹڈ ایمرجنسی اینڈ ہیلتھ سروسز وزیراحمد کے مطابق 1122 ریسکیو ایمبولینس کیلئے تربیت یافتہ عملہ نہ ہونےکی وجہ سےکھڑی ہیں، جیسے ہی عملہ آئے گا یہ متعلقہ اضلاع کو روانہ کردی جائیں گی۔انہوں نے کہا کہ 23 ایمبولینسز کوایک معاہدہ کےتحت میت گاڑی میں تبدیل کیا جانا ہے۔ ڈائریکٹرجنرل ہیلتھ سندھ نے معاملے پر ڈسٹرکٹ ہیلتھ آفیسرسے رپورٹ طلب کرلی ہے۔
Shares:
