ٹھٹھہ (باغی ٹی وی، ڈسٹرکٹ رپورٹر بلاول سموں) چیئرمین سندھ ہیومن رائٹس کمیشن اقبال احمد ڈیتھو نے ٹھٹھہ کا دورہ کیا اور ماڈل پولیس اسٹیشن کا تفصیلی معائنہ کیا۔ انہوں نے تھانے میں قائم مختلف شعبہ جات کا دورہ کیا اور پولیس اسٹاف سے بریفنگ حاصل کی۔ اس موقع پر انسانی حقوق کی خلاف ورزیوں اور سندھ ہیومن رائٹس کمیشن کے کردار کے حوالے سے مفصل گفتگو بھی کی گئی۔
دورے کے موقع پر ایس ایس پی ٹھٹھہ ڈاکٹر محمد عمران خان، سندھ ہیومن رائٹس کمیشن کے سرفراز جمالی، ایڈیشنل ڈائریکٹر سوشل ویلفیئر ڈپارٹمنٹ خدابخش بھرانی، انٹرنیشنل ہیومن رائٹس موومنٹ خواتین ونگ ضلع ٹھٹھہ کی صدر بیبی یاسمین شاہ، پاکستان فشر فوک کی رہنما، چائلڈ پروٹیکشن آفیسر مہرین اقبال سومرو، سول ورکر زہرہ جاکھرو، ایڈوکیٹ فرحان شمس میمن، کمپلینٹ سیل محکمہ انسانی حقوق ضلع ٹھٹھہ کے انچارج الطاف حسین تنیو، سینئر صحافی بلاول سموں، مرزا اکبر بیگ، ایس ایچ او ٹھٹھہ مظہر علی، پی آر ٹو ایس ایس پی ارشاد کڈائی، پی اے انور کتری اور کیمرامین سلمان ہالو سمیت دیگر افراد بھی موجود تھے۔
چیئرمین اقبال ڈیتھو نے پولیس تھانے میں موجود سہولیات اور انسانی حقوق سے متعلق پالیسیوں پر اطمینان کا اظہار کیا اور مزید بہتری کے لیے تجاویز بھی دیں۔
Shares:
