ٹھٹھہ: منشیات فروشوں کے خلاف کریک ڈاؤن، 4 ملزمان گرفتار

ٹھٹھہ (بلاول سموں) پولیس کی منشیات فروشوں اور جرائم پیشہ عناصر کے خلاف کارروائیاں جاری، 2 گٹکا سپلائرز اور 2 کرمنلز سمیت 4 ملزمان گرفتار۔ پولیس نے 48 کلو گٹکا مٹیریل، 200 پیکٹ گٹکا ماوا، 2 پسٹل اور ایک مہران کار برآمد کرلی۔

ایس ایس پی ٹھٹھہ ڈاکٹر محمد عمران خان کی ہدایت پر سی آئی اے پولیس اور مختلف تھانوں نے مشترکہ کارروائیاں کیں۔ جھمپیر لنک روڈ پر انچارج سی آئی اے ممتاز بروہی نے دو گٹکا سپلائرز احمد بارچ اور میر حسن گندرو کو گرفتار کرکے مقدمہ درج کر لیا۔

اسی طرح گھارو اور کیٹی بندر پولیس نے 2 کرمنلز یونس سومرو اور میر جونیجو کو اسلحے سمیت گرفتار کرکے آرمز ایکٹ کے تحت مقدمات درج کیے۔ پولیس کا کہنا ہے کہ منشیات اور جرائم کے خلاف کارروائیاں جاری رہیں گی۔