ٹھٹھہ: گٹکا مٹیریل سپلائی کرنے کی کوشش ناکام، 108 کلو مٹیریل اور 200 پیکٹ گٹکا ماوا برآمد
ٹھٹھہ (باغی ٹی وی،نامہ نگار بلاول سموں) ٹھٹھہ پولیس نے گٹکا مٹیریل کی سپلائی کی کوشش ناکام بناتے ہوئے 108 کلو گٹکا مٹیریل، 200 پیکٹ گٹکا ماوا اور ایک کورولا کار برآمد کر لی۔
تفصیلات کے مطابق، آئی جی پی سندھ غلام نبی میمن اور ڈی آئی جی پی حیدرآباد رینج طارق رزاق دہاریجو کی ہدایات کی روشنی میں ایس ایس پی ٹھٹھہ ڈاکٹر محمد عمران خان کے احکامات پر پولیس نے منشیات اور جرائم پیشہ عناصر کے خلاف کریک ڈاؤن جاری رکھا ہوا ہے۔
ایس ایس پی ٹھٹھہ کے احکامات پر انچارج سی آئی اے ٹھٹھہ، انسپیکٹر ممتاز علی بروہی نے اپنے اسٹاف کے ہمراہ تھانہ مکلی کی حدود میں کامیاب کارروائی کی اور سم نالی کے قریب کورولا کار نمبر BLG-991 کو روکا۔ کارروائی کے دوران پولیس نے 108 کلو گٹکا مٹیریل اور 200 پیکٹ گٹکا ماوا برآمد کیے اور گٹکا مٹیریل سپلائی کرنے والے ملزم اسد علی ولد افشار علی جعفری، جو کہ کراچی کا رہائشی ہے، کو گرفتار کر لیا۔
پولیس نے ملزم کے خلاف تھانہ مکلی میں مقدمہ درج کر لیا اور کارروائی مزید جاری رکھنے کی ہدایت کی ہے۔ یہ کارروائی پولیس کی جانب سے گٹکا مافیا کے خلاف جاری آپریشن کا حصہ ہے جس کا مقصد منشیات اور گٹکا کی غیر قانونی سپلائی کی روک تھام ہے۔
