ٹھٹھہ،باغی ٹی وی (نامہ نگاربلاول سموں)سردی کے باعث کینجھر جھیل میں اضافی پانی چھوڑ دیا گیا کئی ماہیگیروں کے گاؤں اور راستے پانی میں ڈوب گئے ماہیگیروں کو سخت دشواری کا سامنا
سردی کے موسم کے باعث کینجھر جھیل میں اضافی پانی چھوڑ دیا گیا ہےجسکی وجہ سے ماہیگیروں کے گاؤں اور رستوں میں کئی کئی فٹ پانی کھڑا ہوگیا ہے اس بات کا انکشاف کینجھر جھیل کے قریب گاؤں حاجی علی بخش منچھری ملاح اور دیگر کے رہائشیوں صاحب ڈنو ،بریو،اکبر ،سرور منچھری اور دیگر نے صحافیوں سے گفتگو کرتے ہوئے کیا
انہوں نے کہا کہ کینجھر جھیل میں اضافی پانی چھوڑنے کی وجہ سے ہمارے گاؤں سمیت ہمارے راستے میں بھی کئی فٹ پانی داخل ہوگیا ہے جسکی وجہ سے ہمارے باہر نکلنے کے راستے بھی بند ہوگئے ہیں جسکی وجہ سے ہمارے روزگار بھی بند ہورہے ہیں
انہوںنے کہا کہ ہمارے گاؤں کے روڈ بھی ٹوٹ پھوٹ کا شکار ہوگئے ہیں مگر ڈپٹی کمشنر ٹھٹھہ سمیت انتظامیہ نے کوئی نوٹس نہیں لیا ہے
