ٹھٹھہ (ڈسٹرکٹ رپورٹر بلاول سموں) ٹھٹھہ پولیس نے منشیات فروشوں اور گٹکا مافیا کے خلاف بڑے پیمانے پر کارروائیاں کرتے ہوئے 24 ملزمان کو گرفتار کرلیا، جن میں 19 گٹکا فروش اور 5 منشیات فروش شامل ہیں۔ کارروائیوں کے دوران 2850 پیکٹ گٹکا ماوا، 56 بیگز دیسی شراب، 115 گرام چرس، 1 موٹر سائیکل اور 2 موبائل فونز برآمد کیے گئے۔
تفصیلات کے مطابق آئی جی سندھ غلام نبی میمن اور ڈی آئی جی حیدرآباد رینج طارق رزاق دہاریجو کی ہدایات پر ایس ایس پی ٹھٹھہ ڈاکٹر محمد عمران خان کی قیادت میں پولیس نے مختلف علاقوں میں منظم کریک ڈاؤن کیا۔ تھانہ ٹھٹھہ کے ایس ایچ او سب انسپیکٹر مظفر علی خالدی نے کارروائی کرتے ہوئے خطرناک گٹکا ڈیلر شاھنواز ولد حاجی خان بروہی کو گرفتار کرلیا۔
دیگر کارروائیاں ٹھٹھہ، مکلی، گھارو، ساکرو، دہابیجی، جھرک، گھوڑاباڑی اور سی آئی اے پولیس کی جانب سے عمل میں آئیں، جن میں عبدالقادر گھرانو، عبدالعزیز قمبرانی، امان اللہ سمیجو، گل حسن کلمتی، عبدالرشید ملاح، محمد ارمان انصاری، بلاول سمیجو، توقیر سومرو، عبدالستار عرف چھوٹو پٹھان، اللہ واریو میربحر، ارشد ملاح، فیصل منگنھار، مجیب شاہ، افضل شیخ، اشوک کمال، عظیم عمرانی، ذوالفقار ببر، نیاز جاکھرو سمیت دیگر کو گرفتار کیا گیا۔
منشیات فروشوں میں فیاض چانڈیو، دلبر علی عرف ببی، گلزار علی بابلی، حسین خاصخیلی اور کرامت جھویو شامل ہیں۔ پولیس نے تمام گرفتار ملزمان کے خلاف گٹکا ایکٹ، منشیات آرڈیننس اور نارکوٹکس ایکٹ کے تحت الگ الگ مقدمات درج کر لیے ہیں۔ ایس ایس پی ٹھٹھہ کا کہنا ہے کہ سماج دشمن عناصر کے خلاف کارروائیاں بلا امتیاز جاری رہیں گی۔
