غریب شہر تو فاقے سے مر گیا عارفؔ ،امیر شہر نے ہیرے سے خودکشی کر لی

ٹھٹھہ ،باغی ٹی وی(نامہ نگار راجہ قریشی )مہنگائی نے غریب عوام کی کمر توڑ دی ہے سفید پوش لوگ بھی مفلسی کی زندگی گزارنے پر مجبور ہیں مرغی کے انڈے گوشت کی قیمتیں پھر سے بڑھا دی گئی ہیں اس کے علاوہ ہر کھانے پینے کی اشیاء بچوں کی چیزوں پر قیمتوں میں اضافہ ہورہا ہے غربت بہت زیادہ بڑھ گئی ہے ٹھٹھہ اور سجاول ضلعوں میں ایسے لوگ ہیں جو بڑی مشکل سے ایک وقت کی روٹی کھاتے ہیں اس با برکت مہینے میں صرف دو یا تین این جی اوز اور سماجی تنظیموں نے کچھ غریبوں کی مدد کی ہے ہلال احمر، دعا فائونڈیشن ٹھٹھہ میں ایک سماجی رہنما اور جنگ شاہی میں بھی ایک تنظیم مدد کرتی ہے مگر کتنی این جی آوز رجسٹر ہیں کہاں ہیں وہ اس مہینے میں ہی غریبوں کی مدد کو آجائیں ہر ماں باپ سوچتے ہیں کہ انکے بچوں کو عید پر نئے کپڑے دلائیں انکو تین وقت کی روٹی کھلائیں مگر اس دور میں بہت مشکل ہوگیا ہے یہ حال پورے ملک کا ہی ہے چوریاں ڈکیتیاں روز کا معمول بنتی جارہی ہیں منشیات گٹکا ماوا،آئیس ،ہیروئن کی وجہ سے ہزاروں افراد موت کی جانب بڑھ رہے ہیں چند پیسوں کی خاطر انسانیت تباہ کی جارہی ہے، ہر چیز کا اللہ کی عدالت میں حساب کتاب لیا جائیے گا ،سرکاری ملازم بھی بچارا یہی سوچتا ہے کہ بچوں کی تین وقت کی روٹی کا کیسے انتظام کروں بہت کٹھن وقت ہے جتنے بھی صاحب حیثیت لوگ اور بڑی بڑی تنظیموں کو آگے بڑھ کر غریبوں سفید پوش لوگوں کی مدد کرنی چاہئے تاکہ اللہ کی بارگاہ میں وہ سرخرو ہوسکیں۔ کالی بھیڑیں بھی کئی محکموں میں ہوتی ہیں ان کالی بھیڑوں سے افسران کو چوکس رہنا چاہیے اور ان کے خلاف کارروائی بھی ہونا چاہئے اس با برکت مہینے میں ہمیں سب کو جنتا ہوسکے غریبوں کو روزہ کھلوانے انکے بچوں کو عید کے کپڑوں دلوانے میں مدد کرنا چاھئے تاکہ غریب کی دعا فرش سے عرش تک ہمارے لئے پہنچے-