ٹھٹھہ باغی ٹی وی(نامہ نگار راجہ قریشی)چوری شدہ سولرپلیٹ،واٹرپمپ،2موٹرسائیکل برآمد ،ملزمان گرفتار
تفصیلات کے مطابق مورخہ 24 نومبر 2022 کو کے وقت نامعلوم ملزمان نے پمپ ہائوس دھابیجی کے قریب انور آرائیں کے نرسری فارم سے 1 سولر پلیٹ اور 1 واٹر مشین چوری کرکے فرار ہوگئے تھے جس کا مقدمہ انور آرائیں کی مدعیت میں تھانہ دھابیجی میں درج کیا گیا تھا۔ایس ایچ او تھانہ دھابیجی سب انسپکٹر عبدالمومن شیخ بمعہ اسٹاف نے دوران گشت خفیہ اطلاع ملنے پر پمپ ہاؤس دھابیجی کے قریب کامیاب کارروائی کرکے چوری کی واردات میں ملوث 2 ملزمان صابر ابڑو اور عقیل راجپوت کو گرفتار کرلیا۔ ابتدائی تفتیش کے دوران ملزمان کے قبضے سےمدعی انور آرائیں کے نرسری فارم سے چوری کی گئی سولر پلیٹ اور واٹر مشین برآمد کرلی گئی ہیں، مزید 2 چوری شدہ موٹر سائیکل بھی برآمد کرلی گئی ہیں جن کی تفتیش کی جارہی ہے۔ اس کے علاوہ ملزمان نے متعدد وارداتوں میں ملوث ہونے کا انکشاف بھی کیا ہے جن کا کریمنل ریکارڈ طلب کیا جارہا ہے۔مزید ساتھی ملزمان کی گرفتاری کیلئے پولیس کے چھاپے جاری ہیں۔ تفتیش جاری ہے۔مقدمہ نمبر107/2022 سیکشن 379,381 ت۔پ تھانہ دھابیجی درج رجسٹرہوا-
Shares:
