آئی سی سی ٹی ٹو20ورلڈکپ کیلئےقومی اسکواڈکااعلان

لاہور:ورلڈ ٹی 20،پاکستان کرکٹ ٹیم کا اعلان ہوچکا ہے اور بابر اعظم ٹیم کی قیادت کریں گے ، اس حوالے سے پاکستان کرکٹ بورڈ نے انگلینڈ کے خلاف ٹی 20 سیریز اور ورلڈ ٹی 20 کےلیے اسکواڈ کا اعلان کردیا ہے۔

پاکستان کرکٹ بورڈ نے انگلینڈ کے خلاف ٹی 20 سیریز اور ورلڈ ٹی 20 کے لیے اسکواڈ کا اعلان کردیا ہے۔ ٹیم میں 15 کھلاڑی شامل ہیں جبکہ 3 ریزرو کھلاڑی بھی شامل کئے گئے ہیں۔

لاہورمیں ٹیم کے چیف سلیکٹر محمد وسیم نے پریس کانفرنس کرتے ہوئے ٹیم کا اعلان کیا۔15 کھلاڑیوں پر مشتمل اسکواڈ میں بابر اعظم (کپتان)، شاداب خان (نائب کپتان)، آصف علی اور حیدر علی شامل ہیں۔

حارث رؤف، افتخار احمد، خوشدل شاہ، محمد رضوان (وکٹ کیپر) اور محمد حسنین اسکواڈ میں شامل ہیں۔محمد نواز، محمد وسیم جونیئر، نسیم شاہ، شاہین شاہ آفریدی، شان مسعود اور عثمان قادر 15 کھلاڑیوں میں شامل کئے گئے ہیں۔

Chief selector Muhammad Wasim unveils Pakistan's squads for the T20I series against England and ICC Men's T20 World Cup 2022.

Watch Live ➡️ https://t.co/vqE1uaLdix pic.twitter.com/Njal7GTki4

— Pakistan Cricket (@TheRealPCB) September 15, 2022

فخرزمان، محمد حارث (وکٹ کیپر) اور شاہنوازدھانی ٹریول ریزرو کی حیثیت سے سفر کریں گے۔سلیکٹرز نے فخر زمان اور شاہین شاہ آفریدی کے علاوہ ٹی ٹونٹی ورلڈکپ کے لیے اعلان کردہ تمام کھلاڑیوں کو انگلینڈ کے خلاف سیریز میں شامل کیا ہے۔

Our 18-player squad for the seven-match T20I series against England 👇

🗒️ https://t.co/JnHpDOvXsS#PAKvENG | #BackTheBoysInGreen pic.twitter.com/r6kChdbbDJ

— Pakistan Cricket (@TheRealPCB) September 15, 2022

فخر زمان گھٹنے میں تکلیف کے باعث انگلینڈ سیریز کے لیے دستیاب نہیں ہیں۔آل راؤنڈرعامر جمال اور اسپنر ابرار احمد کو بھی انگلینڈ کے خلاف سات ٹی ٹونٹی انٹرنیشنل میچز کے لیے اسکواڈ میں شامل کیا گیا ہے۔