منڈی بہاؤالدین :دریائے جہلم میں کشتی الٹنے سے 4 بچوں اور 2 خواتین سمیت 6 جاں بحق

منڈی بہاؤالدین ،باغی ٹی وی (نامہ نگارافنان طالب)دریائے جہلم میں کشتی الٹنے سے 4 بچوں اور 2 خواتین سمیت 6 جاں بحق

منڈی بہاالدین کی تحصیل ملکوال میں ایک کشتی الٹ گئی، کشتی مسافروں کو لے کر پیراں والا سے نور پور پیراں جارہی تھی جس میں تقریبا 35افراد سوار تھے

ریسکیو ذرائع کے مطابق مسافروں کو بچانے کے لیے آپریشن جاری ہے، اب تک2خواتین اور 4 بچوں کی لاشیں دریا سے نکال لی گئی ہیں جب کہ کشتی پر کار، موٹرسائکلیں اور دیگر سامان لوڈ تھا۔

ڈپٹی کمشنر شاہد عمران مارتھ ملکوال کے نواحی علاقے نور پور پیراں کے قریب دریائے جہلم میں کشتی ڈوبنے کی اطلاع ملتے ہی موقع پر پہنچ گئے ،ریسکیو آپریشن کی نگرانی کی۔

تفصیلات کے مطابق کشتی (بیڑا )سگھر پور سے ملکوال آ رہی تھی۔ جس میں تقریبا 35افراد سوار تھے جو کہ نواحی علاقے نور پور پیراں کے مقام پر الٹ گئی ،

ریسکیو ٹیموں نے فوری طور پر موقع پر پہنچ کر 29افراد کو زندہ نکال لیا جبکہ 6افراد بشمول 4بچے اور 2خواتین جان کی بازی ہار گئے۔
جن کی لاشیں لواحقین کے حوالے کر دی گئیں ۔

ڈپٹی کمشنر نے افسوس ناک حادثے میں جاںبحق ہونے والوں کے لواحقین سے اظہار افسوس کیا اور انہیں ہر طرح کے تعاون اور مدد کی یقین دہانی کرائی۔