دشمن روایتی جنگ میں شکست کےبعد بچوں پر حملے کرنے پر اتر آیا ہے،عطا اللہ تارڑ

وزیر اطلاعات عطا اللہ تارڑ نے کہا ہے کہ بھارت شکست کا بدلہ بچوں سے لے رہا ہے ایک ایک دہشتگرد کو ٹھکانے لگائیں گے-

قومی اسمبلی میں خطاب کرتے ہوئے انہوں نے کہا ہے کہ پوری قوم نے افواج پاکستان کا ساتھ دیا، افواج پاکستان نے بھارت کو تار یخی شکست دی، دشمن کو روایتی جنگ میں شکست ہوئی دشمن روایتی جنگ میں شکست کےبعد بچوں پر حملے کرنے پر اتر آیا ہے، فیلڈ مارشل عاصم منیر نےبھارت کو دھول چٹائی، بھارت شکست کابدلہ بچوں سے لے رہا ہے ایک ایک دہشتگرد کو ٹھکانےلگائیں گے ،بھارت کو ہر میدان میں شکست دیں گے، انہوں نے کہا کہ خضدار میں اسکول بس کو نشانہ بنایا گیا۔

عطا تارڑ نے کہا کہ خیبرپختونخوا میں بھی بھارتی پراکسیز دہشت گردی میں ملوث ہیں، دہشت گردوں کے خاتمے تک چین سے نہیں بیٹھیں گے،بھارت خارجیوں کے ذریعے دہشت گردی کرا رہا ہے،بھارت کی پراکسی وار کو بھی شکست دیں گے،خضدار واقعے کی تحقیقات کرائی جا رہی ہیں، دہشت گردوں کوکیفر کردار تک پہنچائیں گے۔