صدر آصف زرداری نے گوجرانوالہ کینٹ کا دورہ کیا ہے-
پاک فوج کے شعبہ برائے تعلقاتِ عامہ آئی ایس پی آر کیجانب سے جاری بیان کے مطابق صدر آصف زرداری نے گوجرانوالہ کینٹ کا دورہ کیا ہے، آرمی چیف جنرل عاصم منیر نے صدر مملکت کا استقبال کیا، صدر مملکت نےمعرکہ حق میں کامیابی پر پیشہ ورانہ مہارت کی تعریف کی۔
آئی ایس پی آر کے مطابق صدر آصف علی زرداری کے گوجرانوالہ چھاؤنی کے دورے کے دوران وفاقی وزیر داخلہ محسن رضا نقوی بھی ان کے ہمراہ تھے اس موقع پر منگلا اور گوجرانوالہ کور کے کمانڈرز بھی موجود تھےصدرِ پاکستان نے معرکہ حق آپریشن میں افواج کی کامیابی کو سراہا، صدر نے پاک فوج کی پیشہ ورانہ مہارت اور جرأت کو خراج تحسین پیش کیا۔
سپریم کورٹ میں آئندہ ہفتے کے لیے ججز کا روسٹر جاری کر دیا گیا
وطن کے دفاع میں شہید ہونیوالے فوجی و شہریوں کو صدر نے خراج عقیدت پیش کرتے ہوئے کہا کہ شہدا کی قربانیاں قومی وقار کا عظیم سرمایہ ہیں۔
آئی ایس پی آر کے مطابق صدر آصف علی زرداری نے افسروں اور جوانوں کے بلند حوصلے اور تیاری کو سراہا اورآپریشن بنیانُ المرصوص کی کامیابی پر مبارکباد پیش کی،اس موقع پر صدر مملکت آصف علی زرداری نے کہا کہ قوم اپنے بہادر سپاہیوں کو عزت و وقار کی علامت سمجھتی ہے، دشمن کے ناپاک عزائم کو چند گھنٹوں میں ناکام بنایا گیا،افواج پاکستان نے قومی اتحاد و یکجہتی کا مظاہرہ کیا۔
وزیراعظم کا نیا پاکستان ہاؤسنگ اتھارٹی ختم کرنے کا فیصلہ
