سیالکوٹ (باغی ٹی وی،سٹی رپورٹر مدثر رتو) قومی امن کمیٹی برائے بین المذاہب ہم آہنگی کے ضلعی نائب صدر محمد فراز راجہ نے کہا ہے کہ بھارت کے خلاف پاکستان کے بروقت اور دلیرانہ اقدامات نے ثابت کر دیا کہ پاک فوج مضبوط ترین فورس ہے اور پوری قوم متحد ہے۔ انہوں نے کہا کہ ملکی سلامتی اور خودمختاری کے دفاع میں فوج کا کردار ناقابلِ فراموش ہے۔
فراز راجہ نے کہا کہ دشمن کی جارحیت کا منہ توڑ جواب دے کر پاک فوج نے قوم کا سر فخر سے بلند کیا، اور اب دشمن پاکستان کی طرف دیکھنے سے پہلے سو بار سوچے گا۔ انہوں نے کہا کہ پاک فضائیہ اور بحریہ کی جرات مندی بھی قابلِ ستائش ہے، جبکہ سپہ سالار جنرل عاصم منیر کی قیادت میں پاکستان نے عظیم فتح حاصل کی۔
ان کا کہنا تھا کہ کشمیر آج بھی پاکستان کا ہے اور ہمیشہ رہے گا، شہداء کی قربانیاں رائیگاں نہیں جائیں گی۔ افواج پاکستان کی بدولت قوم چین کی نیند سوتی ہے اور وطن کی مٹی سے محبت ہی ایمان کی پہچان ہے۔
