لنڈی کوتل(باغی ٹی وی)افغان حکام کا دوغلا پن و مکروہ چہرہ، جرگہ فیصلوں کو پاؤں تلے روند ڈالا، تعمیراتی کام جاری
ایک دن پہلے تورخم بارڈر پر ایک تاریخی جرگہ ہوا، جس میں پاکستانی اور افغان قبائلی عمائدین نے سرحدی کشیدگی کو ختم کرنے کے لیے اتفاق کیا۔ انہوں نے متنازعہ تعمیراتی کام کو روکنے اور امن قائم کرنے کا وعدہ کیا۔
لیکن آج تصویریں ایک مختلف کہانی بیان کرتی ہیں۔ افغان فورسز نے جرگہ کے فیصلوں کو نظر انداز کرتے ہوئے متنازعہ زمین پر دوبارہ تعمیراتی کام شروع کر دیا ہے۔ یہ عمل نہ صرف جرگہ کی روایات کی توہین ہے بلکہ دونوں ممالک کے درمیان کشیدگی کو بھی بڑھا رہا ہے۔
اس تنازعہ کی وجہ سے تورخم بارڈر بند ہے، جس سے دونوں طرف کے لوگوں کو شدید مشکلات کا سامنا ہے۔ تاجر اور عام شہری سرحد کی بندش سے پریشان ہیں۔
دونوں جانب کے عوام اور جرگہ اراکین افغان حکام سے مطالبہ کرتے ہیں کہ وہ پاکستانی زمین پر تعمیراتی کام فوری طور پر بند کریں۔ تاکہ معاملہ خوش اسلوبی سے حل ہو سکے اور دونوں طرف کے لوگ آزادانہ تجارت اور نقل و حرکت کر سکیں۔ اگر دونوں ممالک کے درمیان کوئی مسائل ہیں تو انہیں مذاکرات کے ذریعے حل کیا جائے۔ تاکہ طورخم بارڈر پر دوبارہ حالات خراب نہ ہوں.
