رائیونڈ:لاہور میں 3 سالہ بچی کو اغواء کرنے والا سگا باپ نکلا، بچی کو قصور سے برآمد کرلیا گیا۔اطلاعات کے مطابق لاہور کے علاقے رائے ونڈ سے 3 سالہ بچی کے اغواء کا ڈراپ سین ہوگیا، اور پولیس کے مطابق سگا باپ ہی اپنی بیٹی کے اغوا کی واردات کا ماسٹر مائنڈ نکلا۔
پولیس حکام نے بتایا کہ ملزم نے ابتدائی تفتیش میں اعتراف کرتے ہوئے بیان دیا کہ اس نے اپنے باس کے کہنے پر اپنی ہی 3 سالہ بچی نویدہ کے اغوا کا ڈرامہ رچایا۔ملزم نے بتایا کہ بچی کے والد کا باس اپنے مخالفین کو مقدمات میں پھنسانا چاہتا تھا، اور اس نے ملزم کو اپنی بچی کو رائے ونڈ سے نامعلوم جگہ منتقل کرنے کا کہا۔
کراچی:خاتون کو ہراساں کرنے والا باپ، بیٹا گرفتار، مقدمہ درج
پولیس کے مطابق بچی کے اغواء کی اطلاع پر پولیس نے تحقیقات شروع کیں تو بچی کے اغوا کی کلوزسرکٹ فوٹیج سامنے آئیں، تفتیش کا دائرہ وسیع کیا گیا اورملزم کو گرفتار کرکے بچی کو قصور سے بازیاب کرالیا گیا ہے۔
باغی ٹی وی کی رپورٹ کے مطابق پنجاب کے صوبائی دارالحکومت لاہور میں پولیس کی جانب سے جرائم پیشہ عناصر کے خلاف کاروائی جاری ہے
اسلام آباد میں جرائم پیشہ افراد کےخلاف آپریشن،بڑے نامی گرامی مجرم گرفتار
ڈی آئی جی انویسٹی گیشن لاہور اطہر اسماعیل نے جرائم پیشہ عناصر کی گرفتاریوں کے حوالہ سے میڈیا کو آگاہ کیا ، اس موقع پر ایس ایس پی انویسٹی گیشن حسنین حیدر، ایس پی سی آئی اے عاصم افتخار سمیت دیگر افسران بھی موجود تھے، ڈی آئی جی انویسٹی گیشن لاہور اطہر اسماعیل کا کہنا تھا کہ سی آئی اے پولیس نے ایک ماہ کے دوران قتل،اندھے قتل، اغواء برائے تاوان اور ڈکیتی میں ملوث 69 ملزمان گرفتار کر لیے گرفتار ملزمان سے10 کروڑ66 لاکھ روپے سے زائد مالیت کی برآمدگی ہوئی،سی آئی اے کینٹ نے خالی گھروں میں نقب زنی کی وارداتوں میں ملوث 4رکنی گینگ گرفتار کر لیا،گرفتار ملزمان علی رضا، انتظار، عثمان اور نعمان شامل 3 کروڑ27لاکھ روپے کا مال مسروقہ برآمد کیا گیا،
راولپنڈی:منشیات فروشی اور دیگر جرائم میں ملوث اشتہاریوں سمیت 26ملزمان گرفتار
ڈیفنس میں ہونے ہونے والی ہونے3 کروڑ کی ڈکیتی کا ڈراپ سین ہو گیا، 3 بینک ملازمین سمیت 8 ملزم گرفتار کر لئے گئے ،2 کروڑ85لاکھ روپے مالیت کے طلائی زیورات،ڈائمنڈ، گھڑیاں اور اسلحہ برآمد کیا گیا، ملزمان بینک ملازمین سے حاصل کردہ معلومات سے کورئیر کمپنی کا نمائندہ بن کر شہری کو کال کرتے تھے،ملزمان گن پوائنٹ پر شہریوں کو یرغمال بنا کر گھر میں داخل ہوتے اور بینک معلومات، کریڈٹ کارڈ حاصل کرتے،ملزمان بینک ملازمین سے لی گئی حساس معلومات سے یرغمال شہری کی رقم اپنے جعلی اکاؤنٹ میں ٹرانسفر کر لیتے تھے،گرفتار ملزمان میں ریاست، کاشف، وقاص،علی ریحان اورو غیاث و دیگر شامل ہیں
سی آئی اے ماڈل ٹاؤن نے قتل،ڈکیتی، نقب زنی اور ہاؤس رابری میں ملوث 13 ملزمان گرفتار کر لیے گرفتار ملزمان سے جیولری، غیر ملکی کرنسی سمیت 3کروڑ 20 لاکھ روپے سے زائد کی رقم برآمد کر لی،ملزمان نے دوران ڈکیتی مزاحمت پر شہری شاہد پرویز کو فائرنگ کر کے قتل کیا تھا،
سی آئی اے اغواء برائے تاوان سٹاف نے کارروائی کی اور 3 مغوی بازیاب کروائے،بازیاب ہونے والوں میں شہریوں میں یاسر، عبدالرشید اور عظیم شامل ہیں،جدید ٹیکنالوجی، ڈیٹا اینالسز کی مدد سے 8 اغواء کاروں کو گرفتار کر لیا،ملزمان کے قبضہ سے تاوان کی رقم 10 لاکھ روپے، ٹیوٹا کرولا کار اور موٹر سائیکل بھی برآمد کر لی،سی آئی اے چوہنگ نے تاوان کے لیے اغواء ہونیوالے 5سال علی احمد کو بحفاظت بازیاب کروایا،گرفتارملزمان اویس خان اور علی عمران سے تاوان کی رقم 3لاکھ روپے برآمد کی، سی آئی اے اقبال ٹاؤن نے قتل،اندھے قتل کے 3 مقدمات ٹریس کر کے3 شوٹرز گرفتار کر لیے،شوٹرز عمر اور علی حمزہ نے شادباغ میں کیبل تنازع پر فیصل بٹ اور شالیمار میں خاتون ثمرہ کو قتل کیا تھا،ملزمان نے دونوں قتل عمران نذیر عرف پستول کے کہنے پر کیے، مقتولہ ثمرہ عمران عرف پستول کی سگی بہن تھی،ملزمان سے آلہ قتل اور وقوعہ میں استعمال ہونیوالی موٹر سائیکل برآمد کر لی گئی،علاوہ ازیں ڈکیتی مزاحمت پر شہری محمد سلیمان کے قتل میں ملوث ملزم رحمان بٹ کو گرفتار کر لیا،ملزمان سے آلہ قتل پسٹل اور02 موٹر سائیکل بھی برآمد کر لی،
