لاہور: محکمہ داخلہ پنجاب نے عید الاضحی کے دوران عارضی نصب ہونے والے مکینیکل جھولوں پر پابندی عائد کر دی۔
ترجمان محکمہ داخلہ پنجاب کے مطابق صوبہ بھر میں قائم تفریحی پارکس میں مستقل بنیادوں پر نصب مکینیکل جھولوں کو پابندی سے استثنیٰ ہو گا البتہ مستقل نصب مکینیکل جھولوں کے لیے فٹنس سرٹیفکیٹ لازمی قرار دیا گیا ہے۔
صوبائی حکومت کے جاری کردہ احکامات کے مطابق صوبہ بھر میں قائم تفریحی پارکس میں مستقل بنیادوں پر نصب مکینیکل جھولوں کے مالکان یا آپریٹرز متعلقہ ڈپٹی کمشنر سے فٹنس سرٹیفکیٹ حاصل کریں گے، ضلعی انتظامیہ تصدیق کرے گی کہ ہر مکینیکل جھولا حفا ظت کے ضروری معیارات پر پورا اترتا ہے۔
ہسپتال میں شہریوں سے زائد پیسے لینا اور مار پیٹ کرنا معمول ،ایک اور ویڈیو سوشل میڈیا پر
ترجمان محکمہ داخلہ پنجاب نے واضح کیا کہ مستقل نصب جھولے جن کے تمام سیکیورٹی پروٹوکولز پر عمل کیا جا رہا ہے ان پر پابندی نہیں لگائی گئی،عارضی طور پر نصب کیے جانے والے اور پھیری والے مکینیکل جھولوں پر پابندی کا فیصلہ انسانی جانوں کی حفاظت کے لیے کیا گیا،محکمہ داخلہ پنجاب نے صوبہ بھر کے ڈپٹی کمشنرز کو ہدایت جاری کی ہے کہ حکم نامے پر عملدرآمد یقینی بنائیں۔
کوئٹہ میں بم دھماکہ، ایک شخص جاں بحق، چار زخمی
