نوری آباد:بارش نے مچائی تباہی،ایک موٹرسائیکل سوارکی جان گئی اور 15 سے زائد بکریاں بھی ہلاک
![](https://baaghitv.com/wp-content/uploads/2024/08/noori-abad.jpg)
نوری آباد،باغی ٹی وی (نامہ نگاراللہ وسایا پالاری)بارش نے مچائی تباہی،ایک موٹرسائیکل سوارکی جان گئی اور 15 سے زائد بکریاں بھی ہلاک
تفصیل کے مطابق نوری آباد میں موٹروے ایم نائن پر شدید بارش کے باعث ایک موٹرسائیکل سوار حادثے کا شکار ہو گیا اور موقع پر ہی دم توڑ گیا۔ جاں بحق شخص کی شناخت گارڈن کراچی کے رہائشی شہزاد ولد امین محمد کے طور پر ہوئی ہے۔
ابتدائی اطلاعات کے مطابق، موٹرسائیکل سوار حیدرآباد سے کراچی جا رہا تھا جب بارش کی وجہ سے موٹرسائیکل سلپ ہو گیا اور وہ شدید زخمی ہو گیا۔ پولیس نے لاش کو قبضے میں لے کر اسپتال منتقل کر دیا ہے۔
نوری آباد اور اس کے گردونواح میں تیز ہواؤں کے ساتھ موسلادھار بارش کے باعث زندگی معمول سے باہر ہو گئی۔ طوفانی بارش کی وجہ سے ایک گھر کی دیوار گر گئی جس سے 15 سے زائد بکریاں ہلاک ہو گئیں۔