ڈیرہ غازی خان (باغی ٹی وی رپورٹر شاہد خان)ڈیرہ غازی خان میں ڈائیوو کمپنی (ڈی ڈبلیو ایم سی) کی صفائی مہم شہر اور دیہات کے علاوہ اب قبرستانوں اور مساجد تک بھی پہنچ گئی ہے۔ آج کمپنی کے کارکنان نے یونین کونسل نمبر 17 کے غوثیہ قبرستان میں صفائی کا کام انجام دیا۔ اس دوران قبرستان کے اندر جھاڑیوں کو کاٹا گیا اور قبروں کی صفائی کی گئی۔
ڈی ڈبلیو ایم سی کے ڈی ایم نے باغی ٹی وی سے بات کرتے ہوئے بتایا کہ وزیر اعلیٰ پنجاب مریم نواز کے "صاف ستھرا پنجاب” ویژن کے تحت شہر، گلی محلوں، دیہات اور قبرستانوں کی صفائی کے ساتھ ساتھ اب مساجد کی صفائی پر بھی خصوصی توجہ دی جائے گی۔ انہوں نے مزید کہا کہ قبرستان میں موجود درختوں کو ہفتہ وار پانی دیا جائے گا اور اس ویژن کے تحت شہر اور محلوں کی تمام مساجد کو ری پینٹ بھی کیا جائے گا۔
