پاک بھارت کشیدگی:صورتحال کسی عسکری تصادم کی جانب بڑھ سکتی ہے،امریکی اخبار

پہلگام واقعے کے بعد پاکستان اور بھارت میں ایک بار پھر کشیدگی میں اضافہ ہوا ہے امریکی ٹی وی سی این این کے مطابق تجزیہ کاروں کو خدشہ ہے کہ صورتحال کسی عسکری تصادم کی جانب بڑھ سکتی ہے۔

اسٹینفورڈ یونیورسٹی کے سینٹر فار انٹرنیشنل سیکیورٹی اینڈ کوآپریشن سے وابستہ ریسرچ سکالر ارزان ترپورے نے کہا کہ مودی پر ایک بہت سخت، بلکہ ناقابلِ مزاحمت سیاسی دباؤ ہوگا کہ وہ طاقت کے ساتھ بدلہ لیں ہم نہیں جانتے کہ وہ بدلہ کس شکل میں ہوگا، اور اس پر قیاس آرائیاں کرنا اس وقت کچھ خاص معنی نہیں رکھتا، لیکن میرا خیال ہے کہ 2019 کے بالاکوٹ بحران سے ہمیں اندازہ ہوسکتا ہے کہ بھارت کس قسم کا ردعمل دے سکتا ہے-

یہ حوالہ اس وقت کے بھارتی ردعمل کی طرف ہے جب مقبوضہ کشمیر میں پلوامہ حملے میں بھارت کے 40 سے زیادہ نیم فوجی اہلکار مارے گئے تھے اس حملے کے بعد نئی دہلی نے 1971 کی جنگ کے بعد پہلی بار پاکستان کی فضائی حدود کی خلاف ورزی کرتے ہوئے سرجیکل سٹرائیک کا دعویٰ کیا لیکن پاکستان نے اگلے ہی روز اس کا بھرپور جواب دیا اور بھارت کے طیارے کو گراکر اس کے پائلٹ کو گرفتار کرلیا تھا۔

زرمبادلہ کے ذخائر میں مزید کمی ریکارڈ

ترپورے نے کہا کہ اصل سوال یہ ہوگا کہ کیا بھارت دہشت گرد گروہوں پر حقیقی، ٹھوس دباؤ ڈالنے کی کوشش کرے گا، مثلاً ان کی قیادت یا ہیڈکوارٹرز کو نشانہ بنا کر؟ یا پھر بھارت اس حد سے بھی آگے جائے گا اور پاکستانی فوج کو نشانہ بنائے گا؟بھارت کی عسکری صلاحیتیں 2019 کے بعد سے بہتر ہوئی ہیں، اس لیے وہ بڑے اہداف کے خلاف کارروائی کے لیے خود کو زیادہ پر اعتماد محسوس کر سکتا ہے-

پی ایس ایل 10،پشاور زلمی کا ٹاس جیت کر فیلڈنگ کا فیصلہ

تاہم ٹفٹس یونیورسٹی سے وابستہ پروفیسر ہمایوں نے کہا کہ اگر بھارت کی حکومت نے عسکری کارروائی کا راستہ اختیار کیا تو ہر وجہ موجود ہے کہ پاکستان بھی جواب میں بھرپور ردعمل دے گا اگر اس موقع پر کسی اسٹریٹیجک ضبط یا کسی تیسرے فریق کی مداخلت نہ ہوئی، تو آنے والے دنوں میں غیرمتوقع تصادم کے امکانات کو نظر انداز نہیں کیا جا سکتا-

رینجرز نے پاکستانی حدود میں داخل ہونیوالے بھارتی بارڈر سکیورٹی فورس کے اہلکار کو پکڑلیا

واضح رہے کہ منگل کے روز مقبوضہ جموں و کشمیر کے سیاحتی مقام پہلگام میں ایک حملے کے نتیجے میں 26 بھارتی شہری مارے گئے تھے بھارتی حکومت نے اپنی سابقہ روش برقرار رکھتے ہوئے اس کا الزام پاکستان پر دھرا اور پاکستان کے خلاف متعدد اقدامات کا اعلان کیا-