سابق صدر آزاد کشمیر اور سینئر سفارت کار مسعود خان نے کہا ہے کہ پاکستانی قیادت نے سفارتی چابک دستی کے ساتھ خارجہ پالیسی کو آگے بڑھایا ہے، جس کے نتیجے میں ایک کے بعد ایک کامیابی حاصل ہوئی۔
گفتگو کے دوران مسعود خان نے کہا کہ واشنگٹن سمیت کئی عالمی دارالحکومتوں میں یہ محسوس کیا گیا ہے کہ پاکستان ایک کلیدی ملک ہے۔ انہوں نے بتایا کہ اسٹریٹجک، معاشی اور اقتصادی اعتبار سے نئے دروازے کھل رہے ہیں، اور امریکی سینیٹر مارکو روبیو نے بھی واضح طور پر تسلیم کیا کہ پاکستان خطے میں امن و سلامتی کے لیے اہم کردار ادا کر رہا ہے۔ ان کے مطابق جنوبی ایشیا اور مغربی ایشیا میں پاکستان کی اہمیت واضح طور پر تسلیم کی جا رہی ہے۔
مسعود خان نے کہا کہ کچھ حلقے شکوک و شبہات کا اظہار کر رہے تھے کہ چین کے ساتھ تعلقات متاثر ہوں گے، تاہم وزیر اعظم کی چینی صدر شی جن پنگ اور وزیر اعظم کے ساتھ ملاقات کے بعد یہ خدشات دور ہو گئے ہیں۔انہوں نے مزید بتایا کہ شی جن پنگ نے کہا ہے کہ صدیوں میں ایسی تبدیلیاں آتی ہیں جو چین اور پاکستان کے تعلقات میں دیکھی جا رہی ہیں۔ دونوں ممالک کے درمیان 8.5 ارب ڈالرز کے نئے معاہدوں پر دستخط بھی ہوئے ہیں، جو سی پیک منصوبوں کے علاوہ ہیں۔
لندن میں فلسطین ایکشن کی حمایت پر ریکارڈ گرفتاریاں
دریائے چناب اور ستلج میں سیلاب، جلال پور پیر والا زیر آب، مساجد میں اعلانات
