کندھ کوٹ : آئی جی سندھ کا 2 ماہ کے دوران تیسرا دورہ،دو ماہ میں 35 شہری اغوا،شہری سراپا احتجاج

کندھ کوٹ ،باغی ٹی وی (نامہ نگار) آئی جی سندھ غلام نبی میمن کی کندھ کوٹ آمد ، دو ماہ کے دوران آئی جی سندھ کاتیسرادورہ، دو ماہ میں 35 افراد اغوا ہوئے
تفصیل کے مطابق کندھ کوٹ غوثپور اور بخشاپور آئی جی سندھ غلام نبی میمن شہید اہلکار غلام نبی سومرو اور اہلکار ادب جکھرانی کے سوگواران سے تعزیت کی ، اس موقع پر صحافیوں نے آئی جی سندھ کو آڑے ہاتھوں لے لیا ، بڑھتی ہوئی بدامنی پر صرف دورے کئے جارہے جب کہ امن قائم کرنے کے لیے پولیس مکمل ناکام ہوچکی ہے ، ایسے سوالات کے جوابات میں آئی جی نے دو ٹوک کہا کہ عوام اور میڈیا کا پولیس کو تعاون چاہئے ، آئی جی سندھ کے دورے کے دوراں بڈانی اور سی سیکشن تھانے کے حدود میں فائرنگ کے واقعات میں ایک خاتوں سمیت دو افراد قتل ہوئے ، دو ماہ کے دوران 35 افراد اغوا ، 11 پولیس اہلکار شہید ، ڈکیتی کے لامحدود واقعات پیش آئے ، امن و امان کی بگڑتی صورت حال پر صرف پولیس کے آفسراں فوٹو سیشن کرانے میں مصروف رہے ، ادھر واپڈا کے دو ملازمین مغویوں کی بازیابی کے لیے آئی جی کے دورے کے دوران احتجاجاََ بجلی بند کردی ، ہائیڈرو یونین کے رہنماؤں نے واپڈا ملازمین کی بازیابی تک غیر اعلانیہ بجلی بند کردی جس سے کاروکاباری سرگرمیاں متاثر ہوگئیں ،بڑھتی ہوئی بدامنی پر آج بھی شہری سراپا احتجاج ہیں-