وزیراعلی اور ان کی رہائش گاہ کو بم سے اڑانے کی دھمکی

بھارتی ریاست مہاراشٹر کے وزیر اعلیٰ ادھو ٹھاکرےکو فون پر جان سے مارنے کی دھمکی ملی ہے۔ممبئی سے ملنے والی اطلاعات کے مطابق ادھو ٹھاکرےکی رہائش گاہ ماتوشری کے لینڈ لائن پر تین سے چار بار فون آیا۔ فون کرنے والے شخص نے خود کو مبینہ طور پر داود ابراہیم کا آدمی بتایا ہے۔ دھمکی دینے والے شخص نے وزیراعلی اور ان کی رہائش گاہ کو بم سے اڑانے کی دھمکی دی ہے۔ ممبئی پولیس جانچ میں مصروف ہے۔ ادھو ٹھاکرے کو دھمکی ملنے کے بعد سے ماتوشری کی سیکورٹی بڑھائی گئی ہے۔ موصولہ اطلاع کے مطابق ہفتہ کی شب تقریباً ساڑھے دس بجے کے قریب فون آیا تھا۔ واضح رہے کہ ادھو ٹھاکرے کا گھر ماتوشری ممبئی کے باندرہ علاقے میں ہے۔ فون کرنے والے شخص نے کہا کہ وہ ادھو ٹھاکرے کے گھر کو بم سے اڑا دے گا۔
ممبئی پولیس کے مطابق، ماتوشری میں آپریٹر کو ہفتہ کی شب تقریباً ساڑھے 10 بجے دو فون آئے تھے۔ فون پر دوسری طرف سے بات کر رہے شخص نے خود کو داود ابراہیم کا آدمی بتایا اور ادھو ٹھاکرے کی رہائش گاہ ماتوشری کو بم سے اڑانے کی دھمکی دی۔ اس دھمکی کے بعد ماتوشری کے اردگرد بھاری تعداد میں پولیس اہلکاروں کو تعینات کردیا گیا ہے۔