سیالکوٹ :مکان کالالچ سگے بھائی کو درخت سے باندھ کر کتا چھوڑدیا،بدترین تشدد،سفاک ملزم گرفتار

سیالکوٹ،باغی ٹی وی ( سٹی رپورٹرشاھد ریاض )محنت کش کو درخت سے باندھ کر کتا چھوڑ دینے اور بدترین تشدد کرنے والا سفاک ملزم پولیس کی گرفت میں آگیا
تفصیل کے مطابق تھانہ کوٹلی سید امیر کے علاقہ گاؤں مہدی پور میں ملزم منیر احمد نے مکان ہڑپ کرنے کے لالچ میں بیوی اور بیٹے کے ساتھ مل کر سگے بھائی محمد اکرم کو درخت سے باندھ کر بدترین تشدد کیا اور بھائی کے اوپر کتا چھوڑ دیا.
ڈی پی او سیالکوٹ محمد حسن اقبال نے وحشت و بربریت پر مبنی بدترین واقعہ کا نوٹس لیتے ہوئے ملزمان کو فوری طور پر گرفتار کرنے کے احکامات جاری کئے تھے ، ایس ایچ او تھانہ کوٹلی سید امیر انسپکٹر نجم فراز نے مقدمہ درج کرکے چند گھنٹوں کے اندر مرکزی ملزم منیر احمد کو گرفتار کر کے پابند سلاسل کر دیا ہے ملزم کو عدالت سے قانون کے مطابق سزا دلوائی جائیگی۔