شہداء کو خراج عقیدت پیش کرتا ترانہ ”وطن پرست”جاری

وطن عزیزپاکستان کے شہداء کو خراج عقیدت پیش کرتا ترانہ ”وطن پرست”جاری کر دیا گیا۔ معروف ریپ اسٹار راجہ ریپ اسٹار کا ترانہ سوشل میڈیا پر وائرل ہونے سے لوگوں کی طرف سے بہت زیادہ پسندیدگی کا اظہار کیا جارہا ہے۔اس سے پہلے بھی راجہ ریپ اسٹار کے کئی ترانے بہت مقبول ہوئے ہیں۔شہداء کی قربانیوں کے حوالے سے جاری کردہ نغمے سے متعلق گفتگو کرتے ہوئے معروف ریپ اسٹار کا کہنا ہے کہ انہوں یہ ترانہ ہمارے محافظوں کی لازوال قربانیوں پر لکھاہے، اور انکے نزدیک وہ چاہ کر بھی ان قربانیوں کو الفاظ میں بیان نہیں کر سکتے۔ انکا کہنا تھا کہ اس ترانے میں لیفٹیننٹ جنرل سرفراز علی شہیداور بریگیڈیئر مصطفیٰ کمال برکی شہید کا نام شامل کیا گیا ہے،

تاہم یہ ترانہ وطن عزیز کے تمام شہداء کی قربانیوں کو خراج عقیدت پیش کرتا ہے، ہمارا ہر جوان وطن عزیز پر قربان ہونے کو اپنا فرض سمجھتا ہے اور ہر ماں اپنے بیٹے کو وطن پر قربان کرنے کو اپنا قرض سمجھتی ہے۔ راجہ ریپ اسٹار نے مزید کہا کہ وہ ہمیشہ تکمیل پاکستان ، نظریہ پاکستان اور دفاع پاکستان پر اپنی آواز اور شاعری سے اپنا فرض ادا کرتے رہے ہیں اور آئندہ بھی کرتے رہیں گے، انکا کہنا تھا کہ میں تمام چاہنے والوں سے امید رکھتا ہوں کہ وہ ہر بار کی طرح اس ترانے کو بھی پسند کریں گے۔