ریاستی میڈیا پر پی ٹی آئی سمیت تمام سیاسی جماعتوں کو یکساں کوریج دی جا رہی ہے،مرتضٰی سولنگی

اسلام آباد: نگران وفاقی وزیر اطلاعات، نشریات و پارلیمانی امور مرتضٰی سولنگی نے کہا ہے کہ انتخابات 2024 کے انعقاد کیلئے الیکشن کمیشن کی مالی، انتظامی اور سکیورٹی ضروریات پوری کریں گے۔

باغی ٹی وی: مرتضٰی سولنگی نے کہا کہ ملک میں آزادانہ، منصفانہ اور غیر جانبدارانہ انتخابات کرانے کی ذمہ داری الیکشن کمیشن آف پاکستان کی ہے، انتخابات 8 فروری 2024کو ہوں گے اس حوالے سے نگران حکومت پرعزم ہے، انتخابات 2024 کے انعقاد کیلئے الیکشن کمیشن کی مالی، انتظامی اور سکیورٹی ضروریات پوری کریں گے۔

مرتضیٰ سولنگی نے کہا کہ لیول پلیئنگ فیلڈ کی شکایت ہر ایک کو ہے، پاکستان تحریک انصاف، مسلم لیگ (ن)، پیپلز پارٹی اور مولانا فضل الرحمان کی جماعت جے یو آئی ف کو بھی لیول پلیئنگ فیلڈ کی شکایات ہیں،پاکستان پیپلز پارٹی کو پنجاب میں،پاکستان مسلم لیگ (ن) کو سندھ میں لیول پلیئنگ فیلڈ کی شکایات ہیں جبکہ مولانا فضل الرحمان سے پوچھیں تو وہ کہیں گے سکیورٹی مسائل کی وجہ سے ہمیں بلوچستان اور کے پی کے میں لیول پلیئنگ فیلڈ نہیں مل رہی۔

تھانےکچہری کی سیاست ختم کروں گا، جہانگیر ترین

انہوں نے کہا کہ سابق چیئرمین پی ٹی آئی پر سنگین الزامات ہیں، انہیں سزا ہو چکی ہے، کوئی بھی ملک سنگین جرائم میں ملوث کسی شخص تک میڈیا کو رسائی فراہم نہیں کرتا، کسی سیاسی جماعت سے امتیازی سلوک نہیں کیا جا رہا، پی ٹی آئی رجسٹرڈ سیاسی جماعت ہے، ریاستی میڈیا پر پی ٹی آئی سمیت تمام سیاسی جماعتوں کو یکساں کوریج دی جا رہی ہے۔

توہین الیکشن کمیشن کیس میں جیل ٹرائل کیخلاف درخواست سماعت کیلئے مقرر

پشاور: آزاد امیدوار کی انتخابی ریلی پر فائرنگ ،دو افراد زخمی