امریکی صدر ڈونلڈ ٹرمپ نے انکشاف کیا ہے کہ امریکا نے پاکستان اور بھارت کو ممکنہ جنگ اور ایٹمی تباہی سے بچا لیا۔
باغی ٹی وی کے مطابق ڈونلڈ ٹرمپ نے ایک پریس کانفرنس کے دوران کہا کہ "پاک-بھارت کشیدگی سنگین صورتحال اختیار کر سکتی تھی، لیکن ہم نے دونوں ممالک سے بات چیت کر کے امن کی راہ ہموار کی۔ وہ پاکستان اور بھارت کی قیادت کے شکر گزار ہیں جنہوں نے ذمہ داری کا مظاہرہ کیا اور جنگ کی راہ پر چلنے سے گریز کیا۔
ان کا کہنا تھا کہ دونوں ممالک کے درمیان کشیدگی نہایت خطرناک حد تک پہنچ چکی تھی، تاہم امریکی مداخلت نے تصادم کو ٹال دیا۔ہم ان ممالک سے تجارت نہیں کر سکتے جو ایک دوسرے پر گولیاں برسا رہے ہوں، اس لیے ہم نے تجارتی روابط پر بھی گفتگو کی تاکہ پائیدار امن قائم ہو۔”
صدر ٹرمپ نے اُمید ظاہر کی کہ پاکستان اور بھارت نے نہ صرف لڑائی روکی بلکہ اب دیگر تنازعات کو بھی سفارتی ذرائع سے حل کرنے کی کوشش کر رہے ہیں۔انہوں نے زور دیا کہ امریکا ان دونوں ممالک کے ساتھ تعمیری تعلقات قائم رکھنے کا خواہاں ہے اور خطے میں مستقل امن چاہتا ہے۔
پریس کانفرنس کے دوران ٹرمپ نے ٹیکنالوجی اور کاروبار پر بات کرتے ہوئے کہا کہ ایلون مسک ہمیشہ ہمارے ساتھ رہیں گے۔تاہم انہوں نے اس بیان کی مزید وضاحت نہیں کی۔
سگریٹ پر ٹیکس لگے گا تو غریب کی پہنچ سے دور ہوگا.تحریر: اقصیٰ جبار
سگریٹ پر ٹیکس، غریب کی پہنچ سے دوری.تحریر :طارق نویدسندھو
پاکستان ریلویز کی 11 ماہ میں 83 ارب روپے کی ریکارڈ آمدن
