توہین رسالت کے ملزم کی عدالت میں ہلاکت پر امریکہ کی مذمت

باغی ٹی وی کی رپورٹ کے مطابق توہین رسالت کے ملزم کی عدالت میں ہلاکت پر امریکہ نے مذمت کی ہے

سماجی رابطے کی ویب سائٹ ٹویٹر پر امریکی سٹیٹ ڈیپارٹمنٹ کی جانب سے کہا گیا کہ ہم پاکستانی شہری طاہر نسیم کے اہل خانہ سے اظہار تعزیت کرتے ہیں ، جو پاکستان کے ایک کمرہ عدالت کے اندر مارا گیا تھا۔

We extend our condolences to the family of Tahir Naseem, the American citizen who was killed today inside a courtroom in Pakistan. We urge Pakistan to take immediate action and pursue reforms that will prevent such a shameful tragedy from happening again.

— State_SCA (@State_SCA) July 30, 2020

امریکہ کی جانب سے مزید کہا گیا کہ ہم پاکستان سے درخواست کرتے ہیں کہ وہ فوری طور پر کارروائی کریں اور ایسی اصلاحات پر عمل کریں جو اس طرح کے شرمناک سانحہ کو دوبارہ ہونے سے روکیں۔

واضح رہے کہ گزشتہ روز پشاور کی مقامی عدالت میں توہین رسالت کیس کی سماعت کے دوران ایک نوجوان نے قادیانی گستاخ رسول شخص کو جج کے سامنے گولی ماردی،

گولی لگنے سے مبینہ طور پر گستاخ کی موقع پر موت ہو گئی، نعش عدالت میں پڑی رہی، پولیس نے فوری طور پر کاروائی کرتے ہوئے ملزم گرفتارکر کے حوالات میں بند کر دیا،فائرنگ کا واقعہ ایڈیشنل سیشن جج شوکت اللہ کی عدالت میں پیش آیا،جج شوکت اللہ عدالت میں موجود تھے۔

دوسری جانب انسداددہشتگردی عدالت نے توہین رسالت کے ملزم کو قتل کرنے والے خالد کو جسمانی ریمانڈ پر پولیس کے حوالے کردیا۔

پشاورپولیس نے توہین رسالت کے ملزم کو قتل کرنے والے ملزم خالد کو انسداددہشتگردی عدالت میں پیش کیا۔عدالت نے ملزم خالد کو3روزہ جسمانی ریمانڈ پر پولیس کے حوالے کردیا۔

توہین رسالت کیس میں نوجوان نے قادیانی گستاخ رسول کو جج کے سامنے گولی ماردی