امریکی اداکار ٹام کروز فلم کے سیٹ پر کورونا ایس اوپیز کی خلاف ورزی کرنے پرعملے پرشدید برہم ہوگئے –
باغی ٹی وی :لندن میں جاری فلم ”مشن امپاسبل“ کی شوٹنگ کے دوران ہالی وڈ اداکارٹام کروزکی ایک آڈیووائرل ہوگئی ہے جس میں وہ اپنے فلم کے عملے پرشدید برہمی کا اظہارکررہے ہیں۔
آڈیوکے مطابق اداکاراپنے عملے کو کہہ رہے ہیں کہ تمام انشورنس کمپنیاں، اسٹوڈیوزاورپروڈیوسرز ہم پرنگاہ رکھے ہوئے ہیں ہمیں دوسروں کے لیے مثال بننا ہے وہ سب ہماری مثال دے کرفلمیں بنانا چاہتے ہیں فلموں کی دوبارہ شوٹنگ کا آغاز ہماری وجہ سے ہورہا ہے کیوں کہ انہیں ہم پراعتماد ہے ہمیں ان کے اعتماد کو توڑنا نہیں ہے۔
پرنس ہیری اورمیگھن مارکل میوزک اسٹریمنگ ویب سائٹ کے لئے پروگرام کریں گے
اداکارنے مزید کہا کہ کیا کسی کو اپنی ذمہ داری کا احساس نہیں اگراب کسی نے خلاف ورزی کی اوردرست موقف پیش نہیں کرپایا تو میں اس کو فارغ کردوں گا۔
واضح رہے کہ ‘مشن امپاسبل’ سیریز کی ساتویں فلم کی شوٹنگ کورونا وائرس کے باعث فروری میں روک دی گئی تھی تاہم اب فلم کو کورونا سے متعلق ایس اوپیز کی پابندی پر عمل پیرا ہونے کی یقین دہانی کے بعد اجازت ملی ہے برطانیہ میں مشن امپوسیبل سلسلے کی نئی فلم کی شوٹنگ کے دوران کریو کے دو افراد دو میٹر فاصلہ رکھنے کی پابندی توڑنے کے مرتکب ہوئے تھے۔
