پی آئی اے کی اسلام آباد سے ٹورنٹو جانے والی پرواز پی کے 781 میں فنی خرابی

قومی ایئرلائن پی آئی اے کی اسلام آباد سے ٹورنٹو جانے والی پرواز پی کے 781 میں فنی خرابی ہوگئی، جس کے بعد پرواز کا رخ کراچی کی طرف موڑ دیا گیا۔ترجمان پی آئی اے عبداللّٰہ خان کے مطابق جہاز میں فنی خرابی معمولی نوعیت کی ہے، کپتان نے طویل پرواز جاری رکھنے کے بجائے واپسی کو ترجیح دی۔ ترجمان کا مزید کہنا ہے کہ پرواز کی دوبارہ روانگی کا شیڈول کل دوپہر ایک بجے ہے۔انہوں نے بتایا کہ جہاز کو کراچی لے جانے کا فیصلہ انجینئرنگ بیس پر بہتر انتظامات اور پرزہ جات کی دستیابی کے باعث کیا گیا۔کراچی میں پرواز کے استقبال کے تمام اقدامات مکمل، مسافروں کو ایئر پورٹ ہوٹل میں قیام کروایا جائے گا۔ترجمان کا کہنا تھا کہ مسافروں کی دیکھ بھال کے لیے طعام اور ٹرانسپورٹ کا مکمل انتظام کی گیا ہے۔