لنڈی کوتل(باغی ٹی وی رپورٹ)طورخم مزدوروں کا احتجاج، پابندیاں ختم کرنے کا مطالبہ
لنڈی کوتل بازار کے باچا خان چوک میں طورخم بارڈر کے مزدوروں نے اپنے حقوق کے لیے احتجاجی مظاہرہ کیا، جس میں سیاسی رہنماؤں، بلدیاتی نمائندوں، تاجروں اور مزدوروں کے مشران نے بڑی تعداد میں شرکت کی۔ مظاہرے کے شرکاء نے طورخم بارڈر پر مزدوروں پر عائد پابندیاں ختم کرنے اور ان کے لیے آسانیاں پیدا کرنے کا مطالبہ کیا تاکہ وہ اپنے بچوں کے لیے حلال روزگار کما سکیں۔
احتجاج میں جمعیت علمائے اسلام کے مفتی محمد اعجاز شینواری، تحصیل کونسل کے ڈپٹی چیئرمین ولی محمد شینواری، چیئرمین عبدالرؤف شینواری اور مزدور رہنماؤں حضرت سلام شینواری، فرمان شینواری، اشرف گل تڑون، مولانا رحمت اللہ ناصح، قاری جہاد شاہ آفریدی سمیت عوامی نیشنل پارٹی کے عبدالجبار آفریدی اور دیگر قائدین نے بھی شرکت کی۔
مظاہرین نے دونوں ممالک کے اعلیٰ حکام سے اپیل کی کہ طورخم بارڈر پر مزدوروں کے مسائل حل کیے جائیں تاکہ ان کی معاشی مشکلات کم ہو سکیں۔
