اسلام آباد ہائیکورٹ نے بانی پاکستان تحریک انصاف (پی ٹی آئی) عمران خان کی توشہ خانہ ٹو کیس کو فوری طور پر دوسرے بینچ کو منتقل کرنے کی استدعا کو ایک بار پھر مسترد کر دیا۔
تفصیلات کے مطابق، اسلام آباد ہائیکورٹ نے عمران خان کے وکیل کی جانب سے کیس کو دوسرے بینچ میں بھیجنے کی درخواست پر فیصلہ سنایا۔ عدالت نے اس درخواست کو مسترد کرتے ہوئے عمران خان کے وکیل کو کیس میں مزید معاونت فراہم کرنے کی ہدایت کی۔ہائیکورٹ کے تحریری فیصلے میں کہا گیا ہے کہ سپریم کورٹ کے فیصلوں کے مطابق، اگر کسی جج کو اعتراض ہو تو وہ خود فیصلہ کرنے کا اختیار رکھتے ہیں کہ وہ بینچ سے علیحدہ ہوں یا نہیں۔ اس کے ساتھ ہی عدالت نے اس اعتراض پر مزید معاونت طلب کرتے ہوئے کیس کی سماعت کو غیر معینہ مدت تک ملتوی کر دیا ہے۔
یاد رہے کہ اسلام آباد ہائیکورٹ کے جسٹس راجہ انعام منہاس نے عمران خان اور بشریٰ بی بی کی توشہ خانہ ٹو کیس کو دوسرے بینچ میں منتقل کرنے کی درخواست کو مسترد کیا تھا اور ایف آئی اے سے بریت کی درخواستوں پر رپورٹ طلب کی تھی۔
میڈیاہمارے گھر سے دور رہے، بچوں کی تصاویر نہ لیں،سیف،کرینہ کپور
