اسپیشل جج سینٹرل شاہ رخ ارجمند نے اڈیالہ جیل میں توشہ خانہ ٹو کیس کی ساڑھے 7 گھنٹے طویل سماعت یکم اکتوبر تک ملتوی کر دی۔
آج کی کارروائی میں بانی پاکستان تحریک انصاف (پی ٹی آئی) کے وکیل نے نیب افسر محسن ہارون پر جرح کی جو آئندہ سماعت پر بھی جاری رہے گی۔عدالت میں بانی پی ٹی آئی اور ان کی اہلیہ بشریٰ بی بی کو خصوصی طور پر جیل سے پیش کیا گیا۔ بانی پی ٹی آئی کی تینوں بہنیں، کزن قاسم زمان اور بشریٰ بی بی کی بھابھی بھی کمرہ عدالت میں موجود تھیں۔ملزمان کی جانب سے وکلاء قوسین فیصل اور سلمان صفدر نے پیشی دی، جبکہ ایف آئی اے کی نمائندگی اسپیشل پبلک پراسیکیوٹر عمیر مجید ملک نے کی۔
سماعت کے دوران کمرہ عدالت میں بجلی کی سپلائی معطل ہوگئی جس کے باعث کارروائی ملتوی کرنی پڑی۔ آئندہ سماعت پر وکیل صفائی قوسین فیصل نیب افسر اور باقی دونوں گواہان پر جرح مکمل کریں گے۔
پی ٹی آئی پارلیمانی اجلاس: اراکین بانی سے شکایات پر آمنے سامنے آگئے
ٹرمپ کا غیر ملکی فلموں پر 100 فیصد ٹیرف عائد کرنے کا اعلان
بانی پی ٹی آئی کی بدتمیزی،رپورٹرز کا قومی اسمبلی اجلاس سے واک آؤٹ کا اعلان
برطانیہ، فرانس اور جرمنی کا ایران پر پابندیوں کے بعد سفارتی رابطے رکھنے کا اعلان
