میرپورماتھیلو: صحافی نصراللہ گڈانی قتل کیس کا نامزد ملزم ٹاؤن چیئرمین معطل کردیاگیا

میرپورماتھیلو،باغی ٹی وی (نامہ نگارمشتاق لغاری) صحافی نصراللہ گڈانی قتل کیس کا نامزد ملزم ٹاؤن چیئرمین معطل کردیاگیا

میرپور ماتھیلو کے صحافی نصراللہ گڈانی 25 مئی کو مسلح افراد کے حملے میں جاں بحق ہو گئے تھے، 27 جون کو عینی شاہدین نے پیپلزپارٹی کے مقامی ایم این اے خالد لنڈ اور ان کے دونوں بیٹوں ٹاؤن چیئرمین شہباز لنڈ اور نور محمد لنڈ کو قتل کا ملزم قرار دیا تھا۔

گزشتہ دو روز سے سندھ بھر کے صحافی کراچی میں سراپا احتجاج تھے، ان کا مطالبہ تھا کہ ایم این اے خالدلنڈ کی قومی اسمبلی کی رکنیت اور قتل کیس کے دوسرے ملزم ان کے صاحبزادے شہباز لنڈکی ٹاؤن چیئرمین شپ معطل کی جائے۔

یہ بھی پڑھیں
شہید صحافی نصراللہ گڈانی کے قاتلوں کی گرفتاری کے لئے وزیراعلیٰ ہاؤس پر دھرنا دیا گیا

مقتول صحافی کی والدہ پٹھانی بی بی نے بھی وزیراعلیٰ سندھ مراد علی شاہ سے ملاقات کرکے اپنے بیٹے کے قاتلوں کی گرفتاری کا مطالبہ کیا تھا۔

اس سے قبل احتجاجی دھرنے میں حکومت سندھ کی طرف سے مذاکرات کیلئے وزیر بلدیات سعید غنی آئے تو صحافیوں کی جانب سے مطالبات رکھے گئے۔

ان مطالبات میں صبح تک شہباز لنڈ کی چئیرمین شپ ختم کریں ،SSP گھوٹکی کو فوری ہٹایا جائے۔ خالد لنڈ کی رکنیت معطل کی جائے
باقی دو قاتلوں کو صبح تک گرفتار کیا جائے۔