پاک امریکا تجارتی مذاکرات میں پیش رفت کے امکانات کے پیش نظر وفاقی وزیر خزانہ محمد اورنگزیب امریکا روانہ ہو گئے ہیں، جہاں وہ دونوں ممالک کے درمیان جاری ٹریڈ ڈائیلاگ کو حتمی شکل دیں گے۔
وزارت خزانہ کی جانب سے جاری اعلامیے کے مطابق، اس دورے کے دوران پاک امریکا تجارتی مذاکرات پر فیصلہ کن بات چیت ہوگی۔ متوقع تجارتی معاہدے سے پاکستان اور امریکا کی معیشتوں کو نمایاں فائدہ پہنچے گا۔اعلامیے میں کہا گیا ہے کہ امریکا پاکستان کا سب سے بڑا تجارتی شراکت دار ہے، اور مضبوط معاشی و تجارتی تعلقات دوطرفہ روابط کا اہم ستون ہیں۔ پاکستان چاہتا ہے کہ یہ تعلقات صرف روایتی شعبوں تک محدود نہ رہیں بلکہ انہیں انفارمیشن ٹیکنالوجی (آئی ٹی)، معدنیات اور زراعت جیسے جدید شعبوں تک وسعت دی جائے۔
وزارت خزانہ نے مزید کہا کہ وزیر خزانہ محمد اورنگزیب کا یہ دورہ پاک-امریکا تجارتی اور اقتصادی تعلقات کو نئی بلندیوں تک لے جانے کی کوشش کا حصہ ہے، جس سے دونوں ممالک کے درمیان اعتماد اور شراکت داری کو تقویت ملے گی۔ذرائع کے مطابق مذاکرات میں ممکنہ فریم ورک پر مشاورت کی جائے گی جس کے تحت دونوں ملکوں میں سرمایہ کاری، ٹیکنالوجی کی منتقلی اور تجارتی رکاوٹوں کے خاتمے پر تعاون بڑھایا جائے گا۔
ملکی و عالمی مارکیٹ میں سونے کی قیمت میں معمولی کمی
