اسلام آباد ٹریفک پولیس (آئی ٹی پی) نے مسافروں کے لیے ایک خصوصی ٹریفک ایڈوائزری جاری کی ہے جس میں 8 دسمبر (صبح 11 بجے سے 12 بجے) اور 9 دسمبر (رات 9 بجے سے 10 بجے) کو کئی بڑی شاہراہوں پر غیر معمولی طور پر زیادہ ٹریفک رش کی وارننگ دی گئی۔
آئی ٹی پی کے ترجمان نے بتایا 8 دسمبر کو 11 سے 12 بجے دن اور 9 دسمبر رات 9 سے 10 بجے تک مختلف شاہراہوں پر ٹریفک معمول سے زیادہ رہے گی۔جن میں فیصل ایونیو، ایکسپریس ہائی وے اور سری نگر ہائی وے شامل ہیں۔شہری متبادل راستے استعمال کریں، غیر ضروری سفر سے گریز کریں،ریڈ زون کے ایکسپریس چوک اور میریٹ گیٹ بند ہوں گے،ریڈ زون میں داخلے کے لئے شہری سرینا، نادرہ اور مارگلہ روڈ استعمال کریں۔
ترجمان کے مطابق راولپنڈی سے اسلام آباد آنے والے شہری براستہ راول روڈ، نائنتھ ایونیو، فقیر ایپی روڈ اور سری نگر ہائی وے استعمال کریں،اسلام آباد سے راولپنڈی جانے والے شہری زیرو پوائنٹ، سری نگر ہائی وے سے نائتھ ایونیو استعمال کریں۔مری، بارہ کہو سے اسلام آباد آنے واکے شہری کورنگ روڈ، بنی گالہ، پارک روڈ اور لہتراڑ روڈ استعمال کریں۔ٹریفک پولیس اہلکار مختلف مقامات پر شہریوں کی رہنمائی کے لیے موجود ہوں گے۔شہری مزید معلومات کے لیے آئی ٹی پی ریڈیو 92.4 FM اور اسلام آباد پولیس کھ سوشل میڈیا پیجز ملاحظہ کریں۔
