اوچ شریف ،باغی ٹی وی(نامہ نگارحبیب خان)تحصیل احمد پور چنی گوٹھ روڈ پر جیلانی پمپ کے قریب خوفناک حادثہ، والد جاں بحق، دو بیٹے شدید زخمی، ٹی ایچ کیو ہسپتال منتقل
تفصیل کے مطابق تحصیل احمد پور چنی گوٹھ روڈ پر جیلانی پمپ کے قریب ایک افسوسناک حادثہ پیش آیا۔ ریسکیو ذرائع کے مطابق ایک موٹر سائیکل پر سوار 60 سالہ عبدالرزاق، ان کے 7 سالہ بیٹے حسین اور 10 سالہ بیٹے دلاور کو پیچھے سے آتی ہوئی ہائی روف (وین) نے ٹکر مار دی۔ اس ہولناک تصادم کے نتیجے میں عبدالرزاق موقع پر جاں بحق ہو گئے جبکہ دونوں بچے شدید زخمی ہو گئے۔
ریسکیو 1122 نے فوری طور پر کارروائی کرتے ہوئے زخمی بچوں حسین اور دلاور کو موقع پر فرسٹ ایڈ دی اور انہیں ٹی ایچ کیو ہسپتال احمدپور منتقل کیا، جہاں ان کا علاج جاری ہے۔ حسین کو ٹیبیا میں چوٹ آئی جبکہ دلاور کو سر پر شدید چوٹ آئی۔ عبدالرزاق کی لاش کو ضابطے کی کارروائی کے لیے تحصیل ہسپتال منتقل کر دی گئی اور بعد ازاں لواحقین کے حوالے کر دی گئی۔
