ہزارہ ایکسپریس وے پر خونی حادثہ، میاں بیوں جاں بحق داماد زخمی

0
49

ہزارہ ایکسپریس وے کے پانو انٹرچینج پر ٹریفک حادثہ میں میاں بیوی جاں بحق، داماد سمیت تین افراد شدید زخمی ہو گئے

مانسہرہ ہزارہ ایکسپریس وے کے پانو انٹرچینج پر ٹریفک کے المناک حادثہ میں بفہ کے رہائشی میاں بیوی جاں بحق جبکہ داماد سمیت تین افراد شدید زخمی ہو گئے۔ اطلاع ملتے ہی ریسکیو 1122 کے اہلکاروں نے جاں بحق ہونے والے کی نعشوں اور زخمیوں کو مانسہرہ ہسپتال پہنچایا جہاں سے نعشوں کو لواحقین کے حوالہ کیا گیا جبکہ زخمیوں کو ایوب میڈیکل کمپلیکس ایبٹ آباد منتقل کیا گیا۔ تفصیلات کے مطابق دو بجے کے قریب بفہ کے رہائشی محمد ذاکر خان لغمانی اپنی بیوی اور داماد فرحان اللہ ولد عبداللہ مرحوم کے ہمراہ ایبٹ آباد سے آبائی گاؤں بفہ اپنی گاڑی میں آ رہے تھے کہ مانسہرہ پانو انٹر چینج کے مقام پر مخالف سمت سے آنے والی موٹر کار گاڑی سے تصادم کے نتیجہ میں دونوں میاں بیوی موقع پر ہی جاں بحق ہو گئے جبکہ حادثہ میں متوفی کے داماد محمد فرحان اللہ سکنہ بفہ، اسامہ سکندر ریہاڑ مانسہرہ اور ایک نامعلوم نوجوان شدید زخمی ہوا جن میں ایک کی حالت تشویشناک بتائی جاتی ہے۔ ایک ہی گھر سے دو جنازے اٹھنے پر کہرام مچ گیا، رقت آمیز مناظر نے علاقہ بھر کی فضاسوگوار کر دی، نماز جنازہ کی ادائیگی کے بعد دونوں کو آبائی قبرستان میں سپرد خاک کر دیا گیا۔

Leave a reply