میرپورماتھیلو،باغی ٹی وی (نامہ نگارمشتاق لغاری) موٹروے پولیس سکھر نے تمام مسافر گاڑیوں اور چھوٹی گاڑیوں کے ڈرائیورز کو مطلع کیا ہے کہ ٻٻرلوء بائی پاس پر جاری دھرنے کی وجہ سے متبادل راستے اختیار کریں۔
ترجمان موٹروے پولیس کے مطابق، ٹریفک کی روانی کو برقرار رکھنے کے لیے درج ذیل متبادل راستے تجویز کیے گئے ہیں:
پنجاب سے خیرپور آنے والی ٹریفک: پٹنی، روہڑی، کاندھرا – جیل روڈ کے ذریعے خیرپور پہنچے۔
سکھر سے خیرپور آنے والی ٹریفک: ببرلو شہر کی اندرونی سڑک استعمال کریں۔
ببرلو سے خیرپور تک جانے والی ٹریفک: پیر جو گوٹھ، پریالو، تھیڑھی کے راستے خیرپور کی طرف جائے۔
کراچی کی طرف سے آنے والی ٹریفک: ٹنڈو مستی سے لاڑکانہ کی طرف مڑ کر متبادل راستہ اختیار کرے۔
رانی پور کی ٹریفک: نانگریجا، کمب پرانے N.H.Way کے ذریعے اپنا سفر جاری رکھے۔
نواب شاہ کی ٹریفک: منگھیا ناکو سے پرانے N.H.Way خیرپور کی طرف مڑ جائے۔
موٹروے پولیس نے ڈرائیورز سے درخواست کی ہے کہ وہ ان متبادل راستوں کو مدنظر رکھتے ہوئے اپنی سفری منصوبہ بندی کریں تاکہ کسی قسم کی تکلیف سے بچا جا سکے۔
