گوجرہ : 12سالہ بچہ ٹرین کی زد میں آکر جاں بحق ہو گیا۔

گوجرہ،باغی ٹی وی(نامہ نگار عبدالرحمن جٹ)ریلوے لائن کراس کر تے ہو ئے 12سالہ بچہ ٹرین کی زد میں آکر جاں بحق ہو گیا۔معلوم ہواہے کہ ندیم پارک گلی نمبر5کے طاہر علی کا12سالہ بیٹاحیدر علی نیو پالٹ ٹوبہ روڈ کے قریب ریلوے لائن کراس کر رہا تھاکہ اچانک کراچی سے براستہ گوجرہ لاہور جانیوالی قراقرم ایکسپریس آگئی جس کی زد میں آکر وہ شدید زخمی ہو گیا اور موقع پر ہی شدید زخموں کی تاب نہ لاتے ہو ئے جاں بحق ہو گیا۔اطلاع ملنے پر مقامی پولیس نے اس کی نعش اپنی تحویل میں لے کر ضروری کارروائی کے بعد ورثاء کے حوالے کر دی۔بچے کی نعش گھر پہنچنے پر کہرام مچ گیا۔ہر آنکھ اشکبار دکھائی دی۔