سیالکوٹ :اگوکی،ریلوے لائن کراس کرتے کار ٹرین کی زد میں آ گئی،4 زخمی

سیالکوٹ، باغی ٹی وی (سٹی رپورٹرشاہد ریاض )سیالکوٹ کے نواحی علاقہ اگوکی میں جلیانوالہ ریلوے لائن کراس کرتے ہوئے کار ٹرین کی زد میں آ گئی ، حادثہ میں 24سالہ تحسین سیمت 3خواتین زخمی ،حادثہ رات کے وقت کار ڈرائیور کی غفلت سے ریلوے لائن کراس کر تے ہوئے کراچی سے آنے والی ٹرین علامہ اقبال ایکسپریس کی زد میں آنے سے پیش آیا ، ٹرین حادثہ کے نتیجہ میں 40 سالہ فاخرہ 17 سالہ مدیحہ 30 سالہ کائنات اور 24 سالہ تحسین زخمی ہوئے ہیں ، گاڑی مکمل تباہ ہوگئی ،اطلاع ملتے ہی ریسکیو 1122جائے حادثہ پر پہنچ گئی اور زخمیوں کو طبی امداد کے بعد ہسپتال منتقل کردیا۔حادثہ گنجان آبادی میں ریلوے پھاٹک نہ ہونے کی وجہ سے پیش آیا ۔پھاٹک نہ ہونے کی وجہ سے حادثات معمول بن چکے ہیں، جس سے قیمتی انسانی جانیں ضائع ہورہی ہیں۔