ریلویز پولیس کی منشیات کے خلاف کارروائیاں جاری ہیں
منشیات کی ٹرین کے ذریعے اسمگلنگ ناکام بنادی،ریلوے اسٹیشن پشاور سٹی اور نوشہرہ میں 2 ملزمان سے بھاری مقدار میں منشیات برآمد کر لی گئی،ملزمان کے سامان کی ایس ایچ او جمال عبدالناصر نے داخلی راستے پر شک کی بنیاد پر تلاشی لی،تلاشی لینے پر ملزمان کے سامان کے اندر خفیہ طریقے سے چھپائی ہوئی 4 کلو منشیات برآمد ہوئی،منشیات میں 2.1 کلو چرس، 1.1 کلو ہیروئن اور 900 گرام آئس شامل ہے،دونوں ملزمان ٹرین جعفر اور خیبر میل میں سوار ہونے کی نیت سے ریلوے اسٹیشنوں میں داخل ہوئے۔ملزمان جانس خان اور افتخار احمد منشیات کو خیبر پختونخوا سے پنجاب سمگل کرنا چاہتے تھے۔دونوں ملزمان کے خلاف تھانہ ریلویز پولیس پشاور کینٹ میں مقدمات کا کا اندراج کرکے تفتیش کا آغاز کردیا گیا ہے۔
