لاہور: چیف ایگزیکٹو افسر(سی ای او) پاکستان ریلویز عامر علی بلوچ نے ای کچہری میں عوام الناس کے سوالوں کے جواب دیئے، ای کچہری میں 26 ہزار سے زائد لوگ شامل ہوئے اور تقریباً 7 ہزار 300 کمنٹس موصول ہوئے۔
باغی ٹی وی: عامر علی بلوچ نے کہا کہ پاکستان ریلوے کی ٹرینیں آج کل بنیادی طور پر اسموگ اور موسم کی خرابی کی وجہ سے تاخیر کا شکار ہیں پاکستان ریلوے کا آپریشن تب بھی آچل رہا ہوتا ہے جب ایئرپورٹس اور موٹر ویز بند ہوتے ہیں ہمیں تاخیر سے زیادہ مسافروں کے جانی تحفظ کی فکر ہوتی ہے۔
انہوں نے کہا کہ میں ٹرینوں کے اوقات کار کی خود نگرانی کر رہا ہوں، ہم ان تمام وجوہات کو دور کرنے کی کوشش کر رہے ہیں جن کی وجہ سے آمد ورفت کے اوقات متاثر ہوں، مسافروں کی سہولت کے لیے آئندہ تمام ٹرینوں میں تعینات ٹرین مینیجرز کا نام اور فون نمبر واضح طور پر ٹرین میں لکھا جائےگا، بہت جلد دو سے تین ٹرینیں اپ گریڈ کر کے سسٹم میں شامل کی جائیں گی اور مزید ایک ٹرین کم اسٹا پجز کے ساتھ چلانے کا ارادہ ہے۔
پی ٹی آئی 24 نومبر احتجاج:اسلام آباد پولیس نے پنجاب اور سندھ پولیس سے مدد …
سی ای او پاکستان ریلویز نے کہا کہ مسافروں کو سہولتیں پہنچانا ہماری ذمہ داری ہے اور ہم اپنی استطاعت کار کے مطابق دستیاب وسائل کو بروئے کار لا رہے ہیں، ریجنل کنکٹیوٹی کے پراجیکٹ اربوں ڈالر کے ہوتے ہیں اور اس ضمن میں مختلف پراجیکٹس پر بات چیت ہورہی ہے، تھر کول پراجیکٹ پر بھی کام تیزی سےجاری ہے۔
پاکستان اور چین کی مشترکہ تربیتی فوجی مشقوں کا آغاز ہوگیا
