ٹراما سنٹر کا آپریشن تھیٹر بند

شیخوپورہ (نمائندہ باغی ٹی وی)ڈی ایچ کیو ہسپتال شیخوپورہ میں کورونا پازیٹیو مریض کا آپریشن ہو جانے کے بعدہسپتال کے آپریشن تھیٹر کو ایم ایس ڈاکٹر سہیل خضر کی ہدات پر غیر معینہ مدت تک کیلئے بند کر دیا گیا ہے محکمہ صحت کے ذرائع کے مطابق ہسپتال میں 3 روز سے ہرنیوں کا مریض دانش داخل تھا جس کی حالت بگڑ جانے پر اس کا ہرنیوں کا آپریشن سرجن ڈاکٹر محمد عارف نے کیا جس کے بعد اس کے کورونا ٹیسٹ کی رپورٹ موصول ہوئی جو پازیٹیو پائی گئی جس کے بعد مریض کا آپریشن مکمل کر کے اسے سرجیکل وارڈ سے کورونا وارڈ میں شفٹ کر دیا گیا ہے ایم ایس ڈاکٹر سہیل خضر نے بتایا ہے کہ کورونا ٹیسٹ کی رپورٹ کا انتظار کئے بغیر آپریشن کرنے اور آپریشن تھیٹر کی صفائی وغیرہ کے حوالے سے انکوائری کی خاطر دو انکوائری ٹیمیں تشکیل دے دی گئی ہیں انہوں نے بتایا کہ مریض دانش کو ہیپاٹائٹس سی کا مرض بھی لاحق ہے آپریشن تھیٹر کی کلیئرنس کے بعد اسے کھول دیا جائے گا۔

جواب چھوڑیں

آپ کا ای میل ایڈریس شائع نہیں کیا جائے گا.