سعد فاروق
امریکی صدر ڈونلڈ ٹرمپ کے سعودی عرب کے دورے کے دوران امریکا اور سعودی عرب کے درمیان 142 ارب ڈالر کے دفاعی معاہدوں پر دستخط ہوئے۔
خبر رساں ایجنسی کے مطابق سعودی عرب اور امریکا کے درمیان ایف-35 جنگی طیاروں کی ممکنہ خریداری پر بھی بات چیت ہوئی ہے، تاہم یہ واضح نہیں کہ یہ طیارے موجودہ معاہدے کا حصہ ہیں یا نہیں۔وائٹ ہاؤس کے مطابق یہ دفاعی معاہدے مجموعی طور پر 600 ارب ڈالر کی سعودی سرمایہ کاری کا حصہ ہیں۔ان معاہدوں میں جی ای کی گیس ٹربائنز کی برآمد، توانائی کے شعبے میں 14.2 ارب ڈالر کا معاہدہ، اور 4.8 ارب ڈالر کے 737 بوئنگ طیاروں کی خریداری شامل ہے۔
عرب میڈیا کا کہنا ہے کہ دونوں ممالک نے توانائی، معدنیات، خلائی تحقیق، صحت اور دیگر شعبوں میں اسٹریٹجک اقتصادی شراکت داری کے معاہدوں اور مفاہمتی یادداشتوں پر بھی دستخط کیے ہیں۔صدر ٹرمپ کے طیارے ایئرفورس ون کے سعودی فضائی حدود میں داخل ہوتے ہی سعودی لڑاکا طیاروں نے اسے حفاظتی حصار میں لے کر ایئرپورٹ تک پہنچایا، جہاں سعودی ولی عہد نے ان کا پُرتپاک استقبال کیا۔ دونوں رہنماؤں کے درمیان مختصر گفتگو بھی ہوئی۔
یاد رہے کہ صدر ٹرمپ اس دورے کے دوران خلیجی تعاون کونسل کے اجلاس میں شرکت کریں گے اور بعد ازاں قطر اور متحدہ عرب امارات بھی جائیں گے۔
سکھ ہندوستان کو تباہ کر دیں گے،سکھ فار جسٹس کا سرمایہ کاروں کو خصوصی پیغام
اوچ شریف: زیرِ حراست ملزم فرار، ایس ایچ او سمیت تین اہلکار معطل، مقدمہ درج
