کراچی کے علاقے کورنگی کراسنگ پر ٹرالرکی ٹکر سے موٹرسائیکل سوار نوجوان جاں بحق ہوگیا۔
پولیس کے مطابق جاں بحق نوجوان کی شناخت سہیل کے نام سے ہوئی ہے، ٹرک ڈرائیورکو گرفتارکر لیا گیا ہے،دوسری جانب سرجانی ٹاؤن میر خان گوٹھ میں موٹرسائیکل کی ٹکر سے 5 سال کا بچہ جاں بحق ہوگیا، جبکہ موٹر سائیکل سوا ر فرار ہو گیا۔
علاوہ،ازیں،بلال کالونی کے علاقے نارتھ کراچی سمامہ مال کے قریب ٹریفک حادثے میں موٹرسائیکل سوار شدید زخمی ہوگیاجسے ایدھی ایمبولینس کے ذریعے عباسی شہید اسپتال منتقل کیا گیا جہاں وہ دوران علاج زخموں کی تاب نہ لاتے ہوئے جاں بحق ہوگیا۔
بھارت میں سروگیسی اور بچوں کی اسمگلنگ کا بڑا اسکینڈل سامنےآگیا
ترجمان ایدھی عظیم کے مطابق جاں بحق ہونے والے شخص کی شناخت 22 سالہ وسیم ولد رفیع کے نام سے کی گئی ، حادثہ موٹرسائیکل گڑھے میں لگنے سے گر کر ہوا ، جاں بحق ہونے والے نوجوان کے سر زمین سے لگا جو جان لیوا ثابت ہوا۔متوفی نارتھ کراچی دومنٹ چورنگی کے قریب فائزہ اپارٹمنٹ کا رہائشی تھا ، متوفی بریانی سینٹر میں نائٹ دیوٹی کرتا تھا اور واقعے کے وقت اپنی ڈیوٹی سے فارغ ہو کر ناشتہ لینے جا رہا تھا،جاں بحق ہونے والے نوجوان کے ورثا نے پولیس کارروائی کرانے سے انکار کر دیا، پولیس نے ضابطے کی کارروائی کے بعد لاش ورثا کے حوالے کر دی۔
ایک اور واقعہ میں فیروزآباد تھانے کی حدود شاہراہ فیصل نرسری کے قریب علی الصبح نامعلوم گاڑی کی ٹکر سے موٹرسائیکل سوار جاں بحق ہوگیاجاں بحق ہونے والے نوجوان کی لاش جناح اسپتال منتقل کی گئی ، پولیس کے مطابق جاں بحق ہونے والے موکوام کی شناخت 22 سالہ سہیل احمد ولد نوید احمد کے نام سے کی گئی، پولیس حادثے کی ذمے دار گاڑی کے بارے میں تحقیقات کر رہی ہے ۔
