کراچی: ڈیفنس موڑ پر خوفناک ٹریفک حادثے میں شہری کی ہلاکت کی ویڈیو سامنے آگئی۔
افسوسناک واقعہ منگل کی صبح سویرے ڈیفنس موڑ پر پیش آیا جس دوران مرغیوں کے ٹرک نے سگنل توڑتے ہوئے موٹر سائیکل سوار کو ٹکر مار دی،حادثے کے نتیجے میں ایک سکیورٹی گارڈ جاں بحق اور ٹرک ڈرائیور فرار ہوگیا۔
حادثے کی سامنے آنے والی سی سی ٹی وی میں مرغیوں کے تیز رفتار ٹرک کو سگنل توڑکر موٹرسائیکل سوار شخص کو ٹکر مارتے دیکھاجاسکتا ہے، پولیس حکام کا بتانا ہے کہ فرار ٹرک ڈرائیور کی تلاش جاری ہے اور اسے جلد گرفتار کرلیا جائے گا جب کہ ٹرک ڈرائیور نے آگے جاکر ایک رکشے کو بھی ٹکر ماری تھی،جب کہ رکشے کو شدید نقصان پہنچا اور رکشے میں سوارافراد بھی زخمی ہوگئے، جنہیں فوری طور پر اسپتال منتقل کیا گیا۔
کراچی:بارش کے دوران گرنے والا 150 سالہ قدیم برگد کا درخت بحال
حادثے میں جاں بحق موٹرسائیکل سوار شخص کی شناخت 50 سالہ ماجد خان ولد عادل شاہ کے نام سے کی گئی متوفی سکیورٹی گارڈ تھا اور ڈیفنس فیز ٹو میں واقع سکیورٹی کمپنی میں ملازمت کرتا تھا پولیس نے فوری کارروائی کرتےہوئے پولٹری ٹرک کوقبضے میں لے کر اس کے ڈرائیور ارشدکےخلاف مقدمہ درج کرلیا پولیس حادثے سے متعلق مزیدتفتیش کررہی ہے۔
ادھرکورنگی صنعتی ایریا تھانے کےعلاقے قیوم آباد چورنگی کے قریب تیزرفتارمسافرمزدا کی ٹکرسے خاتون جاں بحق ہوگئی، جس کی لاش قانونی کارروائی کے لیے جناح اسپتال منتقل کی گئی فوری طورپرخاتون کی شناخت ممکن نہیں ہوسکی۔
سی ڈی اے کا اسلام آباد کو فری وائی فائی سٹی بنانے کا اعلان
جبکہ،اُدھر شاہ فیصل کالونی برج اترتےہوئےٹرالرالٹ گیا، جس سے ٹریفک کی روانی متاثرہو گئی ۔ پولیس کے مطابق ٹریفک کے لیے متبادل راستہ فراہم کیا گیا اور گاڑیوں کو شاہ فیصل برج سےفوجی فاؤنڈیشن کی جانب موڑ دیا گیا۔
