امریکی صدر ڈونلڈ ٹرمپ نے چین کے ساتھ جاری تجارتی تنازعہ کے دوران نافذ کردہ ٹیرف معاہدے کی مدت میں تین ماہ کی توسیع کر دی ہے۔
غیرملکی خبررساں ادارے کے مطابق، یہ معاہدہ آج ختم ہونے والا تھا لیکن صدر ٹرمپ نے ایک صدارتی حکم نامے پر دستخط کر کے اس کی مدت کو مزید تین ماہ بڑھا دیا ہے۔ گزشتہ جنوری میں صدر ٹرمپ نے چینی مصنوعات پر 145 فیصد ٹیرف عائد کیا تھا، جس کے جواب میں چین نے امریکی درآمدات پر 125 فیصد ٹیرف لگا دیا تھا۔ اس کے بعد مئی میں دونوں ممالک نے تجارتی کشیدگی کو کم کرنے کے لیے معاہدہ کیا، جس کے تحت امریکہ نے اپنے ٹیرف میں 30 فیصد کمی کی اور چین نے بھی 10 فیصد ٹیرف کم کیے۔نئے صدارتی حکم کے مطابق، موجودہ ٹیرف کی شرح اگلے تین ماہ تک جاری رہے گی، جس کا مقصد دونوں ممالک کے درمیان تجارتی تعلقات میں استحکام لانا اور مذاکرات کے لیے مزید وقت حاصل کرنا بتایا جا رہا ہے۔
