امریکی صدر ڈونلڈ ٹرمپ نے یورپی ملکوں پر زور دیا ہے کہ اگر وہ یوکرین میں جنگ رُکوانا چاہتے ہیں تو روس سے ایندھن کی خریداری بند کریں اور چین پر معاشی دباؤ بڑھائیں۔
صدر ٹرمپ نے یورپی رہنماؤں سے گفتگو میں کہا کہ روسی تیل خریدنے سے یورپ کی رقم بالآخر یوکرین جنگ میں استعمال ہو رہی ہے۔ ان کے مطابق روس نے ایک سال کے دوران یورپ کو ایندھن کی فروخت سے ایک ارب یورو سے زائد کمائے ہیں۔انہوں نے یورپی ممالک کو یہ مشورہ بھی دیا کہ یوکرین جنگ میں روس کو ملنے والی حمایت کم کرنے کے لیے چین پر معاشی دباؤ ڈالا جائے۔
اس سے قبل امریکی صدر نے ایک ٹی وی انٹرویو میں کہا تھا کہ وہ روس اور یوکرین کے درمیان امن معاہدے کے لیے پُرعزم ہیں، تاہم روسی اور یوکرینی صدور کے براہ راست مذاکرات کے امکانات غیر یقینی ہیں۔
ملک بھر میں مون سون کا 9واں اسپیل، محکمہ موسمیات کی مزید بارشوں کی پیش گوئی
خیبرپختونخوا کابینہ اجلاس کل، 31 نکاتی ایجنڈے پر غور ہوگا
سندھ میں آٹے کا بدترین بحران، عوام روٹی کے ایک نوالے کو ترس گئے
