تاوان نہ ملنے پر 16 افراد کو اجتماعی قبر میں دفنانے والا ٹی ٹی پی کمانڈر کراچی سے گرفتار

تاوان نہ ملنے پر 16 افراد کو اجتماعی قبر میں دفنانے والا ٹی ٹی پی کمانڈر کراچی سے دھر لیا گیا ۔ ڈی آئی جی سی ٹی ڈی آصف اعجاز شیخ نے پریس کانفرنس کرتے ہوئے تفصیلات فراہم کر دی ۔ڈی آئی جی سی ٹی ڈی آصف اعجاز شیخ کے مطابق دہشتگرد شعیب دتہ آدم خیل کا کمانڈر ہے، کراچی آکر اس نے گروپ کو منظم کرنے کی کوشش کی دہشتگرد شعیب نے کراچی میں محرم الحرام میں سات یا آٹھ محرم کو اورنگی جلوس میں حملے کی منصوبہ بندی کر رکھی تھی ، جس کے لئے گرنیڈ اور بم حملہ کیا جانا تھا۔
ان کا مزید بتانا تھا کہ ٹی ٹی پی کا دہشت گرد شعیب گرفتارکرلیا گیا ہے، دہشتگرد سے خودکش جیکٹ کی تیاری میں استعمال ہونے والا سامان اور دھماکہ خیز مواد بھی برآمد کر لیا ہے۔
آئی جی سی ٹی ڈی نے بتایا کہ لانڈھی میں غیر ملکیوں پر حملے میں بھی پیشرفت ہے، حملہ آور مارے گئے تھے، انکے سہولت کاروں کی تلاش جاری ہےان کا مزید کہنا تھا کہ ایسے حالات میں اگر بم دھماکہ ہو جاتا تو بڑا خوف و ہراس پھیلا جاتا ، سیکیورٹی خدشات تو موجود ہے لیکن مخصوص مقام کے سیکیورٹی خدشات نہیں ہیں بس جنرل تھریٹس ہیں۔ آج کی کارروائی بڑی کارروائی تھی اگر یہ کارروائی نہ ہوتی تو امن و امن کی صورتحال خراب ہوسکتی تھی۔انچارج انوسٹی گیشن خرم وارث نے میڈیا سے گفتگو کرتے ہوئے کہا ملزم شعیب کو کراچی میں محرم کے دوران دہشت گردی کرنی تھی۔ تاہم اسکے ساتھیوں کی تلاش جاری ہے۔ انھوں نے مزید کہا کہ کے پی کے حکومت نے دو ملین انعام رکھا ہوا تھاملزم شعیب کا بیٹا ذکا اللہ مقابلے میں چارساتھیوں سمیت مارا گیا تھا جبکہ تاوان نہ ملنے پر ملزم شعیب نے 16 افراد کو قتل کرکے دفن کردیا تھا۔ڈی سی پی علی رضا قتل کیس کے حوا لے ڈی آئی جی سی ٹی ڈی آصف اعجاز شیخ کا کہنا تھا کہ ڈی سی پی علی رضا کے پاس سیکیورٹی تھی، یہ اور بات ہے کہ وہ ساتھ سیکیورٹی نہیں رکھتے تھے کیس میں پیشرفت ضرور ہے لیکن اس وقت کوئی معلومات فراہم نہیں کر سکتے ہیں۔